Presidenti i SHBA-së, Donald Trump, njoftoi të dielën se ka urdhëruar Pentagonit të reduktojë ndjeshëm ushtrimet e përbashkëta ushtarake me Korenë e Jugut.
Trump shkroi në “Truth Social” se stërvitjet vjetore jo vetëm që janë të kushtueshme, por dërgojnë një sinjal krejtësisht të papërshtatshëm dhe armiqësor ndaj Koresë së Veriut, e cila, sipas tij, ka qenë jo kërcënuese dhe respektuese për Shtetet e Bashkuara.
Postimi i tij vjen ndërsa SHBA-të dhe Koreja e Jugut janë planifikuar të fillojnë një nga dy stërvitjet e tyre kryesore ushtarake vjetore në shkallë të gjerë këtë javë.
Koreja e Jugut ka qenë një aleat i madh i SHBA-së, me marrëdhëniet e tyre që kanë mbijetuar për më shumë se shtatë dekada ndryshimesh politike. Trump vuri në dukje se Koreja e Jugut refuzoi të ndihmonte SHBA-në në denuklearizimin e Iranit dhe se ai ka një marrëdhënie shumë të mire me udhëheqësin e Koresë së Veriut, Kim Jong Un . “Kohët e fundit e pyeta Presidentin e Koresë së Jugut nëse do të donin të bashkoheshin me ne në denuklearizimin e Republikës Islamike të Iranit dhe ata thanë: ‘Jo faleminderit!’. Prandaj, dhe bazuar në faktin se është tepër vonë për të anuluar, i kam udhëzuar Sekretarit të Luftës, Pete Hegseth, që të zvogëlojë ndjeshëm Ushtrimet e Përbashkëta Ushtarake!”, shkroi Trump. Stërvitjet e përbashkëta ushtarake, të quajtura Mburoja e Lirisë Ulchi, janë planifikuar të zhvillohen nga 17 deri më 27 gusht. Ushtria e Koresë së Jugut i tha Associated Press se në stërvitje marrin pjesë 18,000 ushtarë të Koresë së Jugut. Stërvitjet pritej të përfshinin operacione për të kundërshtuar dronët, për të ndërprerë sinjalet GPS dhe për t'u mbrojtur nga sulmet kibernetike për t'u përshtatur me aftësitë në zhvillim të Koresë së Veriut.
Njoftimi i Trump vjen disa ditë pasi Koreja e Veriut thuhet se ka lëshuar raketa balistike drejt detit. Pheniani javën e kaluar kërcënoi me hapa të ashpër kundër SHBA-së dhe Koresë së Jugut dhe i quajti stërvitjet verore një "provë lufte".
Koreja e Veriut i denoncon rregullisht stërvitjet e përbashkëta ushtarake midis SHBA-së dhe Koresë së Jugut si prova gjenerale për një pushtim. Por nuk është e qartë se si do të duket njoftimi i Trump, pasi stërvitjet e përbashkëta ushtarake SHBA-Kore e Jugut ishin planifikuar të fillonin të hënën. /CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.