Zyrtarë të lartë të BE-së shprehën sot optimizëm se Presidenti i SHBA-së Donald Trump do të heqë dorë nga kërcënimi i tij për eksportet e naftës për 90 ditë për të luftuar rritjen e çmimeve. Ministri irlandez i Energjisë Darragh O’Brien, qeveria e të cilit mban presidencën e radhës së BE-së, u tha gazetarëve përpara një samiti ministror të BE-së në Dublin se kishte marrë sinjale nga zyrtarët e administratës Trump në Uashington D.C. javën e kaluar se ndalimi ishte i pamundur.
“Padyshim, çdo ndalim 90-ditor i naftës do të kishte ndikim të konsiderueshëm për BE-në”, tha O’Brien. Megjithatë ai shtoi se nga informacioni që arriti të mblidhte në Uashington javën e kaluar, nuk duket se kishte shtytje për ta zbatuar atë.
Shefi i energjisë i BE-së, Dan Jørgensen, përsëriti të njëjtën gjë, duke thënë në të njëjtin se ishte “i lumtur” që pa komente publike nga Sekretari i Energjisë i SHBA-së Chris Ëright, i cili tha se një ndalim i naftës nuk do të funksiononte.
Në fillim të muajt, Trump mbështeti idenë e bllokimit të përkohshëm të eksporteve të karburantit, ndërsa çmimet rriten për shkak të luftës në Iran dhe vendosjes së kufizimeve nga Moska në eksportet e saj pas sulmeve të Ukrainës në rafineri.
Një veprim i tillë do të dërgonte valë tronditëse në tregjet evropiane të energjisë, pasi nafta amerikane përbën mbi 50% të importeve të naftës në BE dhe 10% të konsumit të saj, sipas S&P Global Energy.
“Kur flet edhe me të tjerët rreth administratës, nuk duket se ndalimi i eksporteve do të ndodhë. Mendoj se do të kishte një ndikim për vetë Shtetet e Bashkuara, ndalimi i naftës, si dhe ndikimi në karburantet e tjera”, tha ministri irlandes i Energjisë. Top Channel