Një shpërthim i fortë ka ndodhur ditën e sotme në një pikë karburanti në Sarandë, ku si pasojë kanë mbetur të plagosur dy persona. Të plagosur nga shpërthimi kanë mbetur Fatmir Pema, 39 vjeç i cili ka pësuar djegie në trup dhe Florian Bica 27-vjeç , i cili është transportuar në spital pas tronditjeve nga shpërthimi.
Të dy të plagosurit janë punonjës mirëmbajtjeje në pikën ku ndodhi shpërthimi.
Rrethanat dhe shkaku i shpërthimit nuk janë bërë ende të ditura.
Ky është shpërthimi i dytë në një pikë karburanti në javët e fundit, pas shpërthimit që ndodhi rreth 3 javë më parë, më 9 shtator në një pikë karburanti në zonën e Bërrylit në Tiranë. Top Channel