Lajme Zone
Tragjedi në Rusi/ Rrëzohet avioni ushtarak në Siberi, humbin jetën të 19 personat në bord
SportBalkanWeb
Ky artikull është pjesë e një historie me 2 burime — Krahaso mbulimin →

Tragjedi në Rusi/ Rrëzohet avioni ushtarak në Siberi, humbin jetën të 19 personat në bord

Një avion ushtarak transporti është rrëzuar në Siberi të Rusisë, duke shkaktuar vdekjen e të 19 personave që ndodheshin në bord. Lajmi është bërë i ditur nga mediat shtetërore ruse, të cilat i referohen një deklarate të Ministrisë së Mbrojtjes.

Një avion ushtarak transporti është rrëzuar në Siberi të Rusisë, duke shkaktuar vdekjen e të 19 personave që ndodheshin në bord. Lajmi është bërë i ditur nga mediat shtetërore ruse, të cilat i referohen një deklarate të Ministrisë së Mbrojtjes. Avioni i tipit An-12 ishte duke kryer një fluturim të planifikuar kur u rrëzua në një zonë të pabanuar në rajonin e Kemerovos. Ngjarja ka ndodhur të martën, ndërsa sipas të dhënave paraprake, dyshohet se shkak për aksidentin ka qenë një defekt teknik. Guvernatori i rajonit, Ilya Seredyuk, deklaroi se ekipet e emergjencës ndërhynë menjëherë pas aksidentit dhe arritën të shuanin zjarrin e përfshirë në vendngjarje, pranë fshatit Yagunovo. Zona u rrethua nga forcat e policisë, ndërsa autoritetet ruse kanë nisur hetimet për të zbardhur shkaqet dhe rrethanat e plota të rrëzimit të avionit. Nga hetimet pritet të përcaktohet nëse aksidenti është shkaktuar nga një problem teknik apo nga faktorë të tjerë. © BalkanWeb Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb Etiketa: rusia tragjedi