Atalanta dhe Frosinone kanë dhuruar një nga ndeshjet më spektakolare të këtij sezoni në Serie A, duke u ndarë në një barazim 4-4 të vlefshëm për javën e tetë.
Skuadra mike gjeti avantazhin pas vetëm një minute lojë përmes Schmid, por vendasit reaguan shpejt duke barazuar me anë të Krstovic në minutën e 14-të. Schmid riktheu epërsinë për Frosinone vetëm tre minuta më vonë, megjithatë Atalanta përmbysi gjithçka brenda pjesës së parë falë një penalltie të saktë nga Ederson në minutën e 33-të dhe golit të dytë personal të Krstovic në minutën e 45-të.
Pjesa e dytë vazhdoi me të njëjtin ritëm të lartë, ku Calo barazoi shifrat në minutën e 48-të përpara se Elmas të rikthente sërish avantazhin e vendasve në 4-3 vetëm dy minuta më pas.
Barazimi përfundimtar u vulos në minutën e 82-të nga Terzic, duke bërë që Frosinone të mbajë vendin e gjashtë me 14 pikë, ndërsa Atalanta renditet e 11-ta me 10 pikë.
Në përballjen tjetër të kësaj jave, skuadra e Genoa arriti një fitore minimale 1-0 në fushën e saj përballë Venezia. Goli i vetëm i këtij takimi u shënua në minutën e 25-të nga Ellertsson, i cili shfrytëzoi në maksimum një asist të ofruar nga El Shaaraëy.
Kjo sfidë shënoi edhe një moment të rëndësishëm për mbrojtësin e Kombëtares shqiptare, Mario Mitaj, i cili zhvilloi ndeshjen e tij të parë si titullar në elitën e futbollit italian duke luajtur për plot 81 minuta. Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.