Lajme Zone
Tërmet me magnitudë 6.7 në Peru, panik në Lima! Asnjë viktimë, dëme në zona të banuara (VIDEO)
PolitikëReport TV
Ky artikull është pjesë e një historie me 3 burime — Krahaso mbulimin →

Tërmet me magnitudë 6.7 në Peru, panik në Lima! Asnjë viktimë, dëme në zona të banuara (VIDEO)

Një tërmet me magnitudë 6,7 ka tronditur Perunë duke shkaktuar momente frike edhe në kryeqytetin Lima, ku qindra persona kanë braktisur banesat dhe ndërtesat publike. Tërmeti u regjistrua në orën 19:09 sipas kohës lokale (00:09 me atë shqiptare), me epiqendër në rajonin e Andeve, Junín, rreth 30 kilometra në veriperëndim të qytetit me të njëjtin emër, në një thellësi prej 129 kilometrash. Lëkundje

Një tërmet me magnitudë 6,7 ka tronditur Perunë duke shkaktuar momente frike edhe në kryeqytetin Lima, ku qindra persona kanë braktisur banesat dhe ndërtesat publike. Tërmeti u regjistrua në orën 19:09 sipas kohës lokale (00:09 me atë shqiptare), me epiqendër në rajonin e Andeve, Junín, rreth 30 kilometra në veriperëndim të qytetit me të njëjtin emër, në një thellësi prej 129 kilometrash. Lëkundjet u ndjenë në shumë rajone të vendit, përfshirë Limën, Callao, Ica, Pasco dhe Huánuco. Në Miraflores, një nga lagjet e kryeqytetit, gazetarët e Agjencisë France-Presse kanë vërejtur shumë njerëz që dolën në rrugë si masë paraprake. Tërmeti u ndje edhe në disa zona të Ekuadorit. LEXO edhe...Tërmeti i fortë godet Perunë, britma dhe panik në Lima! Banorët dalin me vrap nga shtëpitë (VIDEO) Njoftimet e para zyrtare nuk raportuan për viktima apo dëme të konsiderueshme. Megjithatë, verifikimet e mëvonshme nga Mbrojtja Civile e Perusë dokumentuan pasoja në disa zona. Në rajonin e Junín u raportuan dëme në ndërtesa banimi dhe objekte publike, përfshirë spitalin e Pichanaqui-t dhe disa struktura universitare në Chanchamayo. Në Ulcumayo u raportuan 14 banesa të dëmtuara. Tërmeti shkaktoi gjithashtu ndërprerje të energjisë elektrike dhe rrëshqitje gurësh në disa akse rrugore. Veçanërisht të prekura ishin disa segmente të rrugës mes Tarma-s dhe San Ramón-it, si dhe rruga që lidh Limën me Huancayo-n, ku ndërhynë ekipet e emergjencës dhe mjetet për të larguar materialet e rëna në karrexhatë. Nuk raportohet për të vdekur apo të plagosur. Peruja ndodhet përgjatë të ashtuquajturës Unaza e Zjarrit e Paqësorit, një brez i gjerë që rrethon oqeanin dhe përqendron një pjesë të konsiderueshme të aktivitetit sizmik dhe vullkanik në botë. Vendi është veçanërisht i ekspozuar ndaj tërmeteve për shkak të konvergjencës së pllakës tektonike Nazca me atë të Amerikës së Jugut. Në vitin 2007, një tërmet shkatërrues me magnitudë 7,9 ballë goditi rajonin e Ica-s, duke shkaktuar rreth 500 viktima./Corriere Ora 09:48 Tërmeti i fortë godet Perunë, britma dhe panik në Lima! Banorët dalin me vrap nga shtëpitë (VIDEO) Ishte ora 19:09 e mbrëmjes së të premtes në Lima të Perusë, kur u lëkund toka në Peru. Tërmeti me epiqendër në Ande u ndie edhe në kryeqytetin Lima.Pamjet që vijnë prej andej tregojnë momentin kur qetësia e një lagjeje të varfër të kryeqytetit thyhet nga britmat e njerëzve të lemerisur, të cilët dalin me vrap nga shtëpitë, në përpjekje për të gjetur një vend të sigurt.Tërmeti me magnitudë 6.7 u regjistrua në një thellësi prej 129 kilometrash, me epiqendër në rajonin e Junínit, por lëkundjet u ndien në një pjesë të madhe të vendit.Frika kaploi edhe Kongresin e Perusë, ku deputetët ndërprenë punimet dhe u larguan nga ndërtesa.Megjithëse lëkundjet shkaktuan panik, sipas raportimeve të para nuk ka viktima apo dëme të konsiderueshme materiale. Autoritetet përjashtuan gjithashtu rrezikun e një cunami. Share P.J/U.D/ReportTv.al peru Lima termet Komento Komente Sondazhi i ditës: A i reflekton shqetësimet e qytetarëve pr.buxheti 2027? Po 59.9% Jo 30.6% Nuk e di 9.5% Vota total: 2474 Sondazhi i ditës: A i reflekton shqetësimet e qytetarëve pr.buxheti 2027?