Një ngjarje e rëndë ka ndodhur ditën e sotme në qytetin e Durrësit, ku një person ka mbetur i plagosur si pasojë e të shtënave me armë zjarri. Ngjarja ka pasur si skenë lagjen "Taulantia".
Burime nga policia bëjnë me dije se i dëmtuari ka marrë një plagë në dorë. Ai është transportuar menjëherë në spital për të marrë ndihmën e nevojshme mjekësore dhe aktualisht ndodhet jashtë rrezikut për jetën.
Forcat e Policisë kanë mbërritur menjëherë në vendngjarje dhe kanë ngritur grupin hetimor. Ekspertët po punojnë për zbardhjen e plotë të rrethanave të ngjarjes, identifikimin e autorit dhe dokumentimin e plotë ligjor të këtij incidenti.