Këngëtarja me famë botërore, Dua Lipa, dhe bashkëshorti i saj, aktori britanik Callum Turner, kanë bërë paraqitjen e tyre të parë në një tapet të kuq si burrë e grua.
Çifti mori pjesë në premierën e filmit më të ri të Turner, “One Night Only”, e mbajtur të hënën, më 3 gusht, në New York, ku tërhoqën vëmendjen me paraqitjen elegante dhe buzëqeshjet para fotografëve.
Dua Lipa, 30 vjeçe, u shfaq me një fustan të personalizuar nga Ferragamo, të stiluar nga Lorenzo Posocco. Fustani kishte një dekolte të thellë me detaj shalli dhe një fund me teksturë unike, ndërsa pamjen e kompletoi me vathë me gurë të çmuar shumëngjyrësh, aksesorë për veshët dhe një byzylyk të artë.
Nga ana tjetër, Callum Turner, 36 vjeç, u paraqit me një kostum blu të errët nga Louis Vuitton, të kombinuar me një këmishë të verdhë të çelët dhe një kravatë me vija në nuanca kafe dhe të verdha.
Turner luan në komedinë romantike “One Night Only” përkrah Monica Barbaro. Filmi, me regji të Will Gluck, rrëfen historinë e një nate të vetme gjatë vitit kur marrëdhëniet seksuale para martesës lejohen me ligj. Premiera në kinema është caktuar për më 7 gusht.
Paraqitja në New York shënon një moment të veçantë për çiftin, pasi është dalja e tyre e parë zyrtare në një tapet të kuq pas martesës.