Një qytetar ka denoncuar në redaksinë tonë kushtet në Spitalin e Durrësit, duke ngritur shqetësimin për mungesën e funksionimit të kondicionerëve në ambientet e pritjes.
Ai ka treguar se pacientët dhe familjarët po presin nga 3-4 orë në ambiente pa ajër të kondicionuar dhe duke u përballur me temperatura të larta dhe mungesë komoditeti.
"Spitali i Durrësit pa ajër të kondicionuar, kushte mizerable. Kemi 4 orë që presim dhe kondicionerët nuk punojnë. Jemi duke u mbytur nga vapa, nuk i ndezin kondicionerët", shprehet qytetari në denoncimin e tij.
Ai kërkon ndërhyrjen e institucioneve përgjegjëse për të garantuar kushte më të përshtatshme për pacientët dhe qytetarët që marrin shërbime në spital, veçanërisht gjatë periudhës së temperaturave të larta.