Foto ilustruese Mbi 4 milionë euro të zhvatura përmes investimeve të rreme, një kompani nga Qipro e Izraeli që furnizonte rrjetet kriminale dhe call center-a në Shqipëri. Operacioni i sotëm zbulon lidhjet me dosjen “Platforma”, të goditur në Tiranë në vitin 2025. Një rrjet ndërkombëtar mashtrimi financiar, që ka zhvatur miliona euro nga qytetarët europianë përmes platformave të rreme të investimit, është goditur sot, më 3 nëntor 2026, në një operacion të koordinuar nga Eurojust dhe Europol. Shtatë persona janë arrestuar, 17 ambiente janë kontrolluar dhe mbi 100 serverë janë sekuestruar. Në operacion morën pjesë edhe SPAK, Byroja Kombëtare e Hetimit dhe Policia e Shtetit.
Pas rrjetit qëndron një kompani me bazë në Qipro dhe Izrael, e cila, sipas hetuesve gjermanë, furnizonte grupet kriminale me platforma mashtruese investimesh dhe rrjete për pastrimin e parave. Mes klientëve të saj janë identifikuar operatorë call center-ash në Shqipëri, Kosovë dhe Maqedoninë e Veriut.
Hetimi ka identifikuar shtatë persona përgjegjës për kompaninë teknologjike dhe gjashtë persona të tjerë të lidhur me administrimin apo funksionimin e call center-ave ballkanikë. Dëmi financiar i zbuluar deri tani tejkalon 4 milionë euro, ndërsa Europol flet për viktima të mundshme në të paktën 50 shtete.
Skema funksiononte përmes reklamave që premtonin fitime të mëdha nga kriptovalutat, aksionet dhe investimet në tregjet financiare. Të dhënat e qytetarëve të interesuar u shiteshin grupeve kriminale, ndërsa operatorët telefonikë prezantoheshin si ekspertë investimesh. Viktimave u shfaqeshin fitime fiktive në ekran dhe u kërkoheshin transferta gjithnjë e më të mëdha. Kur kërkonin të tërhiqnin paratë, llogaritë bllokoheshin dhe komunikimi ndërpritej.
Gjurmët në Tiranë dhe lidhja me operacionin “Platforma”
Goditja e sotme ka lidhje të drejtpërdrejtë me operacionin ndërkombëtar “Platforma”, të zhvilluar më 13 maj 2025. Në atë kohë, SPAK dhe Policia e Shtetit, në zbatim të një letërporosie gjermane, kontrolluan tri ambiente në Tiranë dhe sekuestruan 40 020 euro, telefona, kompjuterë dhe pajisje të tjera elektronike.
Paralelisht u zhvilluan kontrolle në Qipro dhe Izrael. Provat e mbledhura gjatë atij operacioni i çuan hetuesit gjermanë te kompania që furnizonte rrjetet e mashtrimit me infrastrukturën teknologjike. Eurojust konfirmon se pikërisht këto zbulime çuan në aksionin e 3 nëntorit 2026.
Hetimi gjerman kishte nisur që në vitin 2022, pas denoncimit të një çifti që kishte humbur kursimet në një platformë investimesh. Nga gjurmimi i transfertave bankare, hetuesit zbuluan një rrjet që shtrihej në disa shtete europiane. Tre persona të përfshirë në fazat e mëparshme të dosjes janë dënuar tashmë në Gjermani me burgime nga tre deri në pesë vjet.
Operacioni i sotëm goditi edhe rrjetin në Kosovë, ku u arrestuan tre persona dhe u kontrolluan ambiente në Prishtinë, Fushë Kosovë dhe Ferizaj. Autoritetet kosovare sekuestruan pajisje elektronike dhe automjete që lidhen me hetimin.
Në Shqipëri, përfshirja e SPAK-ut dhe BKH-së rikthen vëmendjen te call center-at që kanë funksionuar si hallka të mashtrimeve ndërkombëtare. Hetuesit kanë dokumentuar tashmë lidhjen mes operatorëve ballkanikë dhe kompanisë që u siguronte platformat e investimeve të rreme.
Nga 40 mijë eurot e sekuestruara në Tiranë në vitin 2025 te mbi 100 serverët e kapur sot, dosja zbulon përmasat e një industrie mashtrimi që ka funksionuar përtej kufijve. Në këtë zinxhir, Shqipëria figuron mes vendeve ku vepronin operatorët që përdornin infrastrukturën e rrjetit. Emrat e kompanive dhe administratorëve shqiptarë janë hallka më e rëndësishme ende e pazbardhur e operacionit.call center Lini një Përgjigje Anuloje përgjigjen Kronike Grabitja e bankës në Tiranë, zbulohet shuma e parave që u vodh; grabitësit iu deshën 3 minuta të arratisej 3 Nëntor 2026, 12:2512:25Kronike Aksident në aksin Pogradec-Lin, përplasen dy automjete; plagosen 6 persona 3 Nëntor 2026, 12:2512:25Kronike Vodhi makinën në parkingun e një hoteli në Sarandë, 31-vjeçares i zgjat vetëm 30 minuta arratia 3 Nëntor 2026, 12:1412:14Kronike Vrasjet në Dukagjin drejt zbardhjes, zbulohet pista që lidh dy atentatet; Lekë Gjonit iu “mbyll goja” për ekzekutimin e Koçekut! 3 Nëntor 2026, 11:3511:35Kronike Grabitje në një pikë karburanti në Klos, dy persona të maskuar kërcënojnë punonjësin dhe marrin paratë 3 Nëntor 2026, 10:3710:37Kronike Krim brenda familjes shqiptare në Itali, 21-vjeçari vret me thikë nënën e tij 3 Nëntor 2026, 10:0910:09Kronike