Një shpërthim me lëndë plasëse në mes të një zone të banuar në Tiranë ka vënë në rrezik sigurinë e qytetarëve. Ngjarja ndodhi rreth orës 09:15 në rrugën “Nikolla Lena”, pranë Gjykatës Civile në Tiranë, përpara një pallati, ku një sasi lënde e dyshuar plasëse shpërtheu në një automjet të parkuar. Fatmirësisht, nuk pati persona të lënduar, por pasojat mund të kishin qenë më të rënda nëse pranë automjetit do të ndodheshin banorë apo kalimtarë.
Shpërthimi në një hapësirë publike rikthen shqetësimin për rrezikun që akte të tilla paraqesin për jetën e qytetarëve, veçanërisht kur ndodhin pranë pallateve dhe në zona ku ka lëvizje të njerëzve. Vetë Idajet Beqiri rezulton të ketë qenë në Bruskel. Ai pritej të mbërrinte mbrëmë në Tiranë, por iu anulua fluturimi. Ndërsa makina së cilës iu vendos eksploziv rezulton në pronësi të bashkëshortes së tij, Nexhi Beqiri, po ashtu me profesion avokate.
Policia dhe grupi hetimor po punojnë për identifikimin dhe kapjen e autorit ose autorëve të dyshuar. Zbardhja e shpejtë e rastit është e rëndësishme për të përcaktuar rrezikun e mundshëm dhe për të garantuar sigurinë e banorëve, ndërsa deri më tani autoritetet nuk kanë bërë të ditura detaje të tjera mbi rrethanat e shpërthimit.