Elio Mazreku dhe Anton Martini / Të shkarkuar nga drejtësia për probleme me justifikimin e pasurisë, të rikthyer nga qeveria në drejtimin e strukturave më të larta të hetimit financiar. Rastet e Anton Martinit dhe Elio Mazrekut ngrenë një pyetje të thjeshtë: çfarë peshe ka vettingu përtej dyerve të drejtësisë? Në një demokraci funksionale, emërimi në një post të rëndësishëm të zbatimit të ligjit kërkon përgjigje edhe për të kaluarën e kandidatit. Kur vettingu e ka shkarkuar atë për probleme me pasurinë, institucioni që e emëron ka detyrimin t’i shpjegojë publikut pse e konsideron të përshtatshëm për të hetuar të tjerët.
Në Shqipërinë e Edi Ramës, Anton Martini dhe Elio Mazreku kaluan nga shkarkimi si prokurorë te drejtimi i hetimit tatimor dhe doganor. Dy raste që vënë përballë standardin e drejtësisë me standardin e administratës së qeverisë.
Anton Martini: I shkarkuar nga Vettingu, sot në krye të Hetimit Tatimor
Anton Martini, ish-prokuror i Krimeve të Rënda dhe kandidat për SPAK, u shkarkua nga Kolegji i Posaçëm i Apelimit më 10 qershor 2021. Mes shkaqeve të vendimit ishin problemet me deklarimin dhe justifikimin e pasurisë. Tre vjet më vonë, në tetor 2024, Drejtori i Përgjithshëm i Tatimeve, Ilir Binaj, e prezantoi si drejtorin e ri të Hetimit Tatimor. Njoftimi i administratës tatimore vlerësonte përvojën e tij në hetim dhe i atribuonte “integritet të lartë profesional”. Pikërisht këtu qëndron paradoksi. Një institucion i posaçëm i drejtësisë e kishte shkarkuar pas kontrollit të pasurisë dhe veprimtarisë së tij. Administrata tatimore e prezantonte si drejtues me integritet të lartë, pa shpjeguar si e kishte peshuar atë vendim.
Debati mbërriti edhe në Kuvend. Agron Shehaj kërkoi shpjegime për emërimin, ndërsa ministri i Financave, Petrit Malaj, e shmangu pyetjen me argumentin se nuk lidhej me projektbuxhetin.
Në janar 2026, emri i Martinit u përmend edhe në raportimet për çështjen e materialeve të dala nga email-et e SPAK-ut. Ai mohoi publikisht çdo përfshirje dhe deklaroi se nuk kishte marrë, lexuar apo shpërndarë materiale të paligjshme. Kjo çështje kërkon trajtim më vete, për të cilën do të flasim më vonë. Reagimi i Martinit.
Për emërimin e tij, megjithatë, pyetja mbetet: mbi cilin vlerësim të integritetit iu besua drejtimi i Hetimit Tatimor një ish-prokurori të shkarkuar nga vettingu?
Elio Mazreku: nga bilanci negativ i kontrollit pasuror, në krye të Hetimit Doganor
Rasti i Elio Mazrekut ndjek të njëjtën rrugë.
Më 23 nëntor 2023, Komisioni i Pavarur i Kualifikimit shkarkoi ish-prokurorin e Tiranës. Analiza financiare e paraqitur gjatë procesit evidentonte një bilanc negativ prej rreth 22.8 milionë lekësh. Rivlerësimi ngriti pikëpyetje edhe për burimet e rreth 5 milionë lekëve të deklaruara si ndihmë nga babai dhe për dhuratat nga vëllai. Mazreku i kundërshtoi gjetjet dhe mbrojti ligjshmërinë e burimeve të pasurisë. Raportimi mbi shkarkimin.
Më 20 nëntor 2025, Kolegji i Posaçëm i Apelimit la në fuqi unanimisht shkarkimin. Vendimi përfundimtar lidhej me mosplotësimin e kriterit të pasurisë. Në prill 2026, mediat raportuan emërimin e Mazrekut si drejtor i Hetimit Doganor. Vetëm pak muaj pas përfundimit të procesit të vettingut, atij iu besua drejtimi i një tjetër strukture hetimore të shtetit. Një shkarkim për probleme me pasurinë nuk është automatikisht dënim penal për korrupsion apo evazion. Por kjo nuk e zhbën përgjegjësinë e administratës për të shpjeguar zgjedhjen. Çfarë kontrolli kreu? Si i vlerësoi gjetjet e vettingut? Pse arriti në përfundimin se Mazreku duhej të drejtonte hetimin e shkeljeve doganore? Përvoja si prokuror nuk e zëvendëson përgjigjen për këto pyetje.
Vettingu i shkarkoi. Qeveria e riktheu në një detyrë shumë të lartë.
Vettingu nuk vendos automatikisht një ndalim të përgjithshëm për çdo punë në administratën publike. Kufizimet për rikthimin në funksione të drejtësisë kanë fushë të përcaktuar dhe nuk mund të paraqiten si përjashtim nga i gjithë shteti. Por përgjegjësia politike e qeverisë nuk përfn te pyetja nëse ekziston një ndalim i shprehur. Ajo duhet të shpjegojë pse zgjedh për poste kaq të ndjeshme njerëz që institucionet e vettingut i kanë shkarkuar për probleme me pasurinë.
Pse pikërisht hetimi tatimor dhe doganor? Pse dy ish-prokurorëve të shkarkuar u besohen struktura që kontrollojnë veprimtarinë ekonomike, zbulojnë shkelje dhe referojnë dyshime për vepra penale?
Këto poste japin pushtet real mbi biznesin. Drejtuesit e tyre kanë qasje në informacion të ndjeshëm dhe ndikojnë në përparësitë e kontrollit dhe të hetimit. Prandaj standardi i integritetit duhet të jetë i lartë dhe arsyetimi i emërimeve duhet të jetë publik.
Në vlerësimin tonë, këto dy raste tregojnë një problem më të gjerë: qeveria e pranon rezultatin e vettingut brenda drejtësisë, por nuk i jep të njëjtën peshë kur zgjedh drejtuesit e strukturave të veta hetimore.
Kështu, vettingu rrezikon të kthehet nga një proces që largon zyrtarët e papërshtatshëm në një rrugë transferimi drejt posteve të tjera të pushtetit. Ata humbasin të drejtën për të ushtruar funksionin e prokurorit, por marrin sërish autoritet për të hetuar qytetarët dhe bizneset.
Anton Martini dhe Elio Mazreku nuk janë thjesht dy emra. Emërimet e tyre provojnë sa të ndryshme mund të jenë standardet që shteti zbaton ndaj të njëjtit person.
Vettingu i shkarkoi. Administrata e qeverisë Rama i emëroi në krye të hetimit tatimor dhe doganor.
Për këto zgjedhje, qeveria duhet të japë llogari./Pamfletishteti i rrumpallës vettingu prokurorë edi rama anton martini elio mazreku Lini një Përgjigje Anuloje përgjigjen Anti-Mafia Nga falsifikimet në Seman te 37 hektarët në Palasë, Kastriot Hasko në pranga; pazari me Bedinajn dhe fijet që çojnë te “të fortët“ e Fierit 17 Shtator 2026, 11:1011:10Anti-Mafia “Durana Tech Park”, ‘lavatriçja’ e Edi Ramës; emrat e kompanive të regjistruara në parajsën fiskale të Kryeministrit 17 Shtator 2026, 10:3310:33Anti-Mafia ALO PRONTO 2? Rrjeti i “teknikëve” që “rrjep” britanikët nga Tirana; fijet çojnë te Elisian Bici, drejtori i OST-së nën hetim për tenderë korruptiv 16 Shtator 2026, 14:3014:30Anti-Mafia “Shushunja“ IuteCredit Albania, 11.4 mln euro drejt Estonisë/ 6.3 mln euro vetëm për “menaxhim”, çfarë kontrolluan Tatimet? 15 Shtator 2026, 16:3416:34Anti-Mafia A do t’i prek SPAK-u Olsin e Edit dhe Shkëlzenin e Saliut, tani që prokurorëve iu bënë pagat 10 mijë Euro? 15 Shtator 2026, 11:0211:02Anti-Mafia Bashkia Elbasan në shërbim të "Rozafa Fish City"/ Gjergj Luca “beu” i Labinotit, 1.2 km asfalt në pyll drejt 44 hektarëve të tij 14 Shtator 2026, 20:4020:40Anti-Mafia