Banesa ku nodhi krimi Pas vrasjes së Kosta Plakës dhe vetëvrasjes së autorit Refit (Nertil) Buzi, ka humbur jetën në spital edhe ish-vjehrra e 35-vjeçarit, e cila mbeti e plagosur rëndë gjatë sulmit. Shkon në tre numri i viktimave të tragjedisë së ndodhur në Roskovec. Bejlere Plaka, e cila mbeti e plagosur rëndë gjatë sulmit me armë zjarri të kryer nga ish-dhëndri i saj, Refit (Nertil) Buzi, ka ndërruar jetë në spital, pavarësisht përpjekjeve të mjekëve për ta mbajtur në jetë.
Më herët gjatë ditës, 35-vjeçari vrau me armë gjahu ish-vjehrrin e tij, Kosta Plakën, plagosi bashkëshorten e tij, Bejlere Plakën, dhe mori me forcë ish-të fejuarën, Rozalinda Plakën. Kjo e fundit u lirua disa orë më vonë gjatë operacionit policor.
Pas krimit, Buzi u rrethua nga forcat speciale RENEA në zonën e ish-fushës së helikopterëve, në fshatin Kurjan, ku qëndroi i ngujuar brenda automjetit të tij. Pavarësisht negociatave intensive për disa orë, ai nuk pranoi të dorëzohej dhe, sipas Policisë, rreth orës 16:35 dyshohet se qëlloi veten me armën e gjahut që mbante me vete.
Me vdekjen e Bejlere Plakës, bilanci i ngjarjes së rëndë shkon në tre viktima: Kosta Plaka, bashkëshortja e tij Bejlere Plaka dhe autori i dyshuar, Refit (Nertil) Buzi.
Rozalinda Plaka, ish-partnerja e autorit, u shpëtua gjatë ndërhyrjes së Policisë dhe më pas la ambientet e spitalit. Ajo ndodhet në komisariat, ku po merret në pyetje në kuadër të hetimeve.
Policia dhe Prokuroria vijojnë hetimet për të dokumentuar plotësisht rrethanat dhe motivet e kësaj ngjarjeje të rëndë kriminale.roskovec vrasje Lini një Përgjigje Anuloje përgjigjen Kronike Ekzekutoi ish-vjerrin me armë zjarri, vret veten autori Nertil Buzi 24 Korrik 2026, 16:4616:46Kronike U kapën me kokainë me vlerë mbi 1.8 milionë paund dhe armë zjarri, dënohen me burg dy shqiptarë në Britani 24 Korrik 2026, 16:1416:14Kronike Sekuestrohen 3.3 kg flori dhe 133 ora luksoze me vlerë 300 mijë euro, arrestohet argjendari në Lezhë 24 Korrik 2026, 15:4915:49Kronike U plagos me armë zjarri nga ish-dhëndri në Roskovec, si paraqitet gjendja shëndetësore e Bejlere Plakës 24 Korrik 2026, 15:4015:40Kronike Vrasja e çiftit të të moshuarve në Dropull, Prokuroria kërkon 30 vite burg për autorin 72 vjeçar 24 Korrik 2026, 14:4614:46Kronike Vrau ish-vjehrrin dhe mori peng ish-partneren, autori 35-vjeçar nuk i bindet RENEA-s; vijojnë negociatat për dorëzim 24 Korrik 2026, 14:3014:30Kronike