SHBA-të kanë tërhequr të gjithë bombarduesit e tyre nga RAF Fairford, baza ushtarake e Mbretërisë së Bashkuar pas një incidenti që po hetohet nga policia kundër terrorizmit.
Një deklaratë nga një zyrtar i Pentagonit konfirmoi se SHBA kishte larguar bombarduesit e saj nga baza dhe i kishte kthyer në stacionet e saj në Amerikë.
SHBA-të nuk dhanë një arsye për tërheqjen, por kjo vjen pas një incidenti të madh më 27 shtator kur policia u njoftua për tre automjete të dyshimta pranë bazës ajrore.
Pesë persona u arrestuan fillimisht nën dyshimin për vepra terroriste pranë bazës dhe më pas u liruan me kusht. Po ashtu më pas u arrestua dhe një tjetër person i cili gjithashtu u lirua me kusht.
Burime nga Whitehall nuk e kanë kundërshtuar vendimin e Uashingtonit si përgjigje ndaj incidentit në bazën ajrore në Gloucestershire.
Sipas BBC ky ishte një vendim ushtarak dhe jo politik, i marrë në nivel operacional dhe i komunikuar nga ushtria amerikane te homologët e saj britanikë./ CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.