Lajme Zone
Sfida e fundit në Nations League, Kombëtarja kryen stërvitjen zyrtare para Bjellorusisë
SportJOQ Albania
Ky artikull është pjesë e një historie me 5 burime — Krahaso mbulimin →

Sfida e fundit në Nations League, Kombëtarja kryen stërvitjen zyrtare para Bjellorusisë

Kombëtarja shqiptare ka zhvilluar këtë të shtunë seancën e fundit stërvitore në prag të udhëtimit drejt Budapestit, ku të dielën do të përballet me Bjellorusinë në ndeshjen që mbyll këtë edicion të UEFA Nations League.

Kombëtarja shqiptare ka zhvilluar këtë të shtunë seancën e fundit stërvitore në prag të udhëtimit drejt Budapestit, ku të dielën do të përballet me Bjellorusinë në ndeshjen që mbyll këtë edicion të UEFA Nations League.

Në stërvitjen e paradites morën pjesë 26 futbollistë, ndërsa Ernest Muçi u stërvit veçmas në palestër dhe nuk iu bashkua pjesës tjetër të skuadrës në fushë.

Pjesa tjetër e grupit zhvilloi ushtrime të fokusuara te aspektet tekniko-taktike, si dhe te provat e goditjeve standarde, në funksion të përgatitjeve për sfidën e radhës.

Kuqezinjtë synojnë ta mbyllin këtë edicion të Nations League në vendin e parë të grupit. Për të siguruar këtë objektiv, Shqipërisë i mjafton edhe një barazim në përballjen me Bjellorusinë.

Ndeshja do të luhet të dielën, në orën 18:00, në stadiumin “Illovszky Rudolf” në Budapest, ndërsa takimi do të zhvillohet pa praninë e tifozëve në tribuna.