Një studim i ri i publikuar në revistën shkencore JAMA Network Open ka shqyrtuar lidhjen mes përdorimit afatgjatë të sensorëve për monitorimin e vazhdueshëm të glukozës dhe shëndetit të veshkave te personat me diabet të tipit 2. Studimi përfshiu 25,648 raste vëzhgimi dhe krahasoi persona që nisën përdorimin e monitorimit të vazhdueshëm në kohë reale me persona që nuk e nisën atë. Rezultatet treguan se përdorimi i qëndrueshëm i pajisjeve lidhej me përmirësim të kontrollit të sheqerit në gjak. Pas tre vitesh, studiuesit vunë re edhe nivele më të ulëta të albuminës në urinë, një tregues që mund të sinjalizojë dëmtim të veshkave.Lexo edhe:Harroni emrat dhe mbiemrat? Kur është normale dhe kur duhet të shqetësohemi Megjithatë, studimi nuk gjeti prova se pajisjet ruanin funksionin filtrues të veshkave. Për më tepër, bëhej fjalë për një studim vëzhgues, ndaj rezultatet nuk provojnë se vetë sensorët shkaktojnë përmirësimin e vërejtur. Studiuesit theksojnë se nevojiten kërkime të tjera për të përcaktuar nëse përfitimet vazhdojnë për një periudhë më të gjatë dhe nëse monitorimi mund të ndikojë në përparimin e sëmundjes së veshkave.
