Art, kulturë dhe spektakël. Rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit. 1. “DEMOS”, KRYEVEPRA E ARISTOFANIT NË TEATRIN E KORÇËS LEXO edhe...Aktivitetet kulturore/ Koncert nga Ylli Baka në Tepelenë! Ekspozita ‘Qyteti i Dehur’ në Pogradec “Demos”, një kryevepër e Aristofanit vjen në një interpretim bashkëkohor, me regji nga Altin Basha, mbrëmjen e nesërme në orën 19:00, në teatrin “Andon Zako Çajupi” në Korçë. 2. KTHEHET “PORTO PALERMO FESTIVAL”, ÇELET NESËR EDICIONI VI Festivali i Porto Palermos vjen në edicionin e tij të gjashtë nga 30 korriku deri më 16 gusht. Në 30 korrik interpreton Ansambli Folklorik Shqiptar, ndërkohë që në netët në vijim do të interpretojnë artistë nga zhanre e kultura të ndryshme. 3. “HARTË MEMECE PËR TË MBYTURIT”, PERFORMANCË NË DURRËS “Hartë memece për të mbyturit” nga Arian Leka në Durrës është performanca teatrore e instalativem që do të vijë nesër në orën 20:00 në shëtitoren “Taulantia” në Durrës. Me regji nga Driada Dervishi, me veprën poetike “Hartë Memece për të Mbyturit”, përkthyer në dymbëdhjetë gjuhë të botës, në 35-vjetorin e eksodit shqiptar risillen në kujtesë ata që deti i mbuloi me heshtje, por jo me harresë. 4. FESTIVALI FOLKLORIK “JEHONA E TRADITËS” NË POGRADEC Festivali Folklorik “Jehona e traditës” vjen në edicionin e tij të parë në Pogradec, mbrëmjen e nesërme në orën 20:00. Në skenën e Odeonit do të ngjiten këngëtarë, valltarë dhe instrumentistë folklorikë të rrethit të Pogradecit, për të sjellë tingujt, ritmet dhe ngjyrat e traditës. 5. MARATONA E KËNGËS 2026 NË KOLONJË, FRESKI VERORE Emra të njohur të muzikës shqiptare vijnë në Kolonjë sonte në orën 20:30 në Maratonën “Festa e Këngës”,. për një natë plot ritëm, emocione dhe atmosferë të paharrueshme 6. KONCERT NGA YLLI BAKA NË SHESHIN “LORD BAJRON” NË TEPELENË Ylli Baka do të vijë mbrëmjen e sotme në orën 20:00 me një koncert live në sheshin “Lord Bajron” në Tepelenë. Bashkë me Bakën do të interpretojnë edhe Toni dhe Marko Baka. 7. KONCERTET E VERËS, RITME E MUZIKË NË BULGAREC TË KORÇËS Sonte në orën 19:00 në Bulgarec të Korçës do të mbahet një koncert me artistët Alban Polovishti, Adriatik Bejko, Gani Çibuku, Mario Brego dhe Remo Torra. 8. FESTA E ROSKOVECIT, NJË JAVË AKTIVITETE NË SHESHIN “BAZAAR” Roskoveci vijon festimet tradicionale deri më 31 korrik. Çdo mbrëmje, nga ora 21:00 deri në 23:00, Sheshi “Bazaar” do të mirëpresë aktivitete festive dhe artistike për banorët dhe vizitorët në Festën e Roskovecit. P.J/ReportTv.al rubrika ciceron Komento Komente Sondazhi i ditës: Epoka e re e kërkesave, mendoni se reagimi i Ramës për protestat është i duhuri? Po 64.2% Jo 29.1% Nuk e di 6.6% Vota total: 8217 Sondazhi i ditës: Epoka e re e kërkesave, mendoni se reagimi i Ramës për protestat është i duhuri?
