SpaceX ka nisur sot, më 28 shtator, raketën gjigante Starship në atë që konsiderohet një nga testet më të rëndësishme të programit deri më tani.
Starship u ngrit nga baza Starbase në Teksasin e Jugut në fluturimin e 14-të të programit. Ndryshe nga 13 misionet e mëparshme, këtë herë objektivi është që anija të hyjë për herë të parë në orbitë rreth Tokës.
Misioni synon gjithashtu të vendosë në orbitë 26 satelitë Starlink të gjeneratës së re V3. Nëse gjithçka shkon sipas planit, Starship pritet të kryejë rreth gjashtë xhiro rreth Tokës përpara se të rikthehet dhe të përfjë misionin me një ulje të kontrolluar në Oqeanin Paqësor, në perëndim të Kilit. Starship’s 14th flight is set to launch on Monday, Sept 28. The 75-minute launch window opens at 7:15 a.m. CT. Live coverage of the mission starts ~35 minutes before launch →
— SpaceX (@SpaceX) September 27, 2026 Me një lartësi prej rreth 124 metrash, sistemi Starship-Super Heavy është raketa më e madhe e ndërtuar deri më tani. Për këtë fluturim, SpaceX nuk planifikon rikuperimin e dy fazave të raketës, pasi fokusi kryesor është testimi i hyrjes në orbitë dhe i sistemeve të reja.
Ky test ka rëndësi edhe për planet e ardhshme të eksplorimit të Hënës. NASA po bashkëpunon me SpaceX për zhvillimin e versionit Starship Human Landing System, i cili synohet të përdoret në misionet Artemis për transportimin e astronautëve nga orbita hënore drejt sipërfaqes së Hënës.
Suksesi i këtij fluturimi do t’i japë SpaceX të dhëna të rëndësishme për hapat e ardhshëm të programit Starship, i cili synon të përdoret jo vetëm për misione drejt Hënës, por në të ardhmen edhe për eksplorimin e Marsit. Mos rri jashtë: bashkohu me ABC News. Ne jemi kudo! *KryesoreAktualitetBota