Rreth 8 mijë pasagjerë dhe mbi 2 mijë automjete kanë lënë Portin e Vlorës gjatë mbrëmjes së së shtunës dhe orëve të para të së dielës, në drejtim të Italisë.
Fluksi i lartë i udhëtarëve, i përballuar nga tre tragete në linjën Vlorë–Brindisi, nuk ka shkaktuar vonesa dhe procesi i përpunimit është zhvilluar normalisht.
Nëntë sportele kanë qenë në funksion për përpunimin e automjeteve, duke mundësuar lëvizjen e shpejtë të pasagjerëve dhe shmangien e krijimit të radhëve të gjata. Edhe pse numri i udhëtarëve dhe mjeteve ka qenë i lartë, situata në port është menaxhuar pa problematika. Policia Kufitare thotë se gjatë gjithë fluksit nuk është regjistruar asnjë vonesë në nisjen e trageteve, të cilat kanë vijuar sipas orarit të parashikuar.
Fluksi i shtuar lidhet me fundjavën e gushtit dhe lëvizjet e larta drejt Italisë. Nga dita e hënë pritet që situata në Portin e Vlorës të rikthehet në ritmin normal të punës.
Strukturat e Policisë Kufitare vijojnë të jenë në gatishmëri për të garantuar përpunimin e shpejtë dhe të rregullt të udhëtarëve dhe automjeteve që udhëtojnë drejt Italisë. Mos rri jashtë: bashkohu me ABC News. Ne jemi kudo! *KryesoreAktualitet