Protestat dhe kërkesa për dorëheqjen e kryeministrit Edi Rama u bënë temë debati edhe në komisionet parlamentare. Ndërsa mazhoranca vijoi shqyrtimin e projektligjeve, deputetët e opozitës e përqendruan pjesëmarrjen e tyre te zhvillimet në rrugë, duke kërkuar largimin e qeverisë dhe zgjedhje të reja. Nga ana tjetër, drejtuesit socialistë të komisioneve kërkuan që opozita të dënojë sulmet ndaj policëve dhe të distancohet nga personat me maska që kanë përdorur molotovë gjatë protestave. Në Komisionin për Europën dhe Punët e Jashtme, deputetja demokrate Albana Vokshi deklaroi se PD mbështet protestuesit dhe kërkesat e tyre. Ajo akuzoi mazhorancën për lidhje me krimin e organizuar, manipulim të zgjedhjeve dhe mbrojtje të zyrtarëve të akuzuar për korrupsion “Ne si grup parlamentar i PD, opozita në parlament dhe jashtë parlamentit i mbështesim pa ekuivok dhe jemi në krah të studentëve, të nxënësve e qytetarëve që ngrihen për një Shqipëri më të mirë, për një qeveri transparente, për një shtet ligjor ku të gjithë të jenë të barabartë para ligjit. T’i dëgjojmë çfarë kërkojnë qytetarët: të shkrihet parlamenti dhe zgjedhje të lira e të ndershme, një qeveri tranzitore, votë të lirë, të ndershme e të barabartë. Asnjëri nuk distancohet nga dhuna kur keni dëgjuar drejtuesit e policisë që japin urdhëra ‘mos kurseni asnjë’. Si mund të hyjmë në BE kur drejtuesit e policisë mbrojnë karrigen e një njeriu të vetëm. Sa të rinj duhet të plagosen që të reagoni apo kërkoni viktima? 21 Janarin e bëtë ju. E bëri Edi Rama. Heshtni, dëgjoni qytetarët. Janë mbi 200 raste dhune të depozituara” ”, deklaroi deputetja e PD-së. LEXO EDHE:'Shqipëria si në gjendje lufte', Mziu kërkon dorëheqjen e Ramës në Komisionin e Bujqësisë! Klosi: Diskutimet politike në Kuvend, këtu merremi me projektligjet! (VIDEO) Kreu socialist i komisionit, Igli Hasani, iu përgjigj se Kuvendi është zgjedhur në mënyrë demokratike dhe se opozita nuk mund të kërkojë shpërndarjen e tij vetëm sepse nuk e njeh rezultatin politik. “Të gjithë përfaqësuesit e popullit në këtë Kuvend janë zgjedhur në mënyrë të lirë dhe demokratike, ashtu si dhe ju të PD-së dhe ne të PS-së përfaqësojmë elektoratin tonë. Thirrjeve për shpërndarje të parlamentit ne nuk kemi pse t’i përgjigjemi. Nëse dëshironi të hiqni dorë nga mandatet, bëjeni”, tha Hasani. Debati ishte edhe më i gjatë në Komisionin për Çështjet e Brendshme, ku deputeti demokrat Isuf Çelaj kërkoi praninë e ministrit të Brendshëm për të dhënë shpjegime mbi veprimet e policisë gjatë protestave. “Ministri i Brendshëm duhej të ishte në komision, të jepte hesap për dhunën ndaj të miturve, qytetarëve, të cilët janë sulmuar tej mase me gaz lotsjellës, deri në thyerje gjymtyrësh, goditje me plumba plastikë në pjesën e sipërme të trupit”, deklaroi Çelaj. Ai kërkoi dorëheqjen e Ramës, krijimin e një qeverie tranzitore dhe shpërndarjen e parlamentit. “Nuk mund të rrimë sikur nuk ka ndodhur asgjë. Nuk e quaj normale që të bëni mbledhje sikur nuk ka ndodhur asgjë”, tha deputeti demokrat. Në të njëjtën linjë ishte edhe kreu i Partisë Republikane, Fatmir Mediu, i cili kërkoi që qeveria të japë llogari para Kuvendit dhe e cilësoi dorëheqjen si një rrugë për zgjidhjen e situatës. “Zgjidhja politike që kërkojnë qytetarët fillon me dorëheqjen e qeverisë. Dorëheqja nuk është mëkat, është përgjegjësi, reflektim në raport me situatën”, tha Mediu. Kreu socialist i komisionit, Bledi Çuçi, i kundërshtoi qëndrimet e opozitës, duke theksuar se përpara debatit për përgjegjësitë e policisë duhet të dënohet dhuna e ushtruar ndaj efektivëve. “Do të ishte e sinqertë nga ju thirrja për të reflektuar nëse do ta fillonit me një qëndrim që duhet ta mbajmë të gjithë bashkë, që lidhet me dhunën që është ushtruar ndaj policisë, dhunë brutale, jo thjesht ndaj individëve të veshur me uniformë, por dhunë ndaj institucioneve kushtetuese të Shqipërisë”, tha Çuçi. Ai bëri dallimin mes protestës paqësore dhe personave që përdorin mjete të dhunshme, duke kërkuar ndëshkimin e këtyre të fundit. “Ka një ndryshim shumë të madh midis maskave me molotovë në dorë dhe policit me uniformë. Polici me uniformë vepron në bazë të ligjit dhe detyrimeve që krijon korpusi ligjor për atë që vesh uniformën. Përgjegjësia që ai mban, personale, është subjekt i një hetimi në bazë të strukturave të ngritura me ligj”, deklaroi Çuçi. Sipas tij, edhe rastet kur efektivët tejkalojnë kompetencat duhet të hetohen, por kjo nuk mund të përdoret për të justifikuar sulmet ndaj policisë dhe institucioneve. “Protesta është e ligjshme, por dhuna e vandalizmi janë të patolerueshme”, theksoi Çuçi, duke shtuar se opozita duhej të shprehte të paktën solidaritet me policët e lënduar. Mediu u përgjigj se është kundër çdo forme dhune, pavarësisht se nga kush ushtrohet. “Dhuna nuk është çështje numrash, dhuna është shkelje ligji nga kushdo krah që vjen, por sidomos nga ato struktura që janë betuar mbi ligjin për të mbrojtur qytetarin, dhe jo pushtetin”, tha ai. “Prapë nuk dëgjova një lloj solidariteti për ata policë që janë djegur me molotovë, që janë gjendur në breshëri dhune të paparë ndonjëherë, gurësh e lloj-lloj mjetesh piroteknike. Këtu fillon sinqeriteti”, replikoi Çuçi Pas këtij shkëmbimi, dy deputetët e opozitës u larguan nga mbledhja e komisionit. Debate për protestat pati edhe në Komisionin e Bujqësisë, ku deputeti demokrat Xhelal Mziu e përshkroi situatën në vend si një “gjendje lufte” dhe kërkoi dorëheqjen e kryeministrit. “Studentët kanë një kërkesë, dorëheqjen e Ramës, krijimin e një qeverie teknike”, tha Mziu. Kreu socialist i komisionit, Blendi Klosi, i kujtoi opozitës se debatet politike mund të zhvillohen në seancën plenare, ndërsa puna për projektligjet duhet të vazhdojë. “Diskutimet politike do të jenë pasnesër në seancë. Ne do të jemi këtu të përgjegjshëm për të vijuar legjislacionin e nevojshëm në kuadër të integrimit. Do të kishim dëshirë të dëgjonim dhe oponencën tuaj për këto ligje, por ky është vendimi juaj politik”, tha Klosi. Lajm në përditësim Rendit zhvillimet sipas orarit: Të Fundit Të Parat Ora 12:59 'Shqipëria si në gjendje lufte', Mziu kërkon dorëheqjen e Ramës në Komisionin e Bujqësisë! Klosi: Diskutimet politike në Kuvend, këtu merremi me projektligjet! (VIDEO) Protestat u bënë pjesë e diskutimeve edhe në Komisionin e Bujqësisë, ku deputeti demokrat Xhelal Mziu kërkoi dorëheqjen e kryeministrit Edi Rama dhe krijimin e një qeverie teknike. Mziu e përshkroi situatën në vend si një “gjendje lufte”, duke deklaruar se studentët kanë lënë auditorët për të dalë në protesta. Kryetari socialist i komisionit, Blendi Klosi, iu përgjigj se debatet politike do të zhvillohen në seancën plenare, ndërsa komisioni duhet të vazhdojë shqyrtimin e projektligjeve që lidhen me integrimin europian.“Shqipëria si në gjendje lufte, studentët nuk janë në auditorë, por në shesh. Studentët kanë një kërkesë, dorëheqjen e Ramës, krijimin e një qeverie teknike”, deklaroi Mziu.“Diskutimet politike do jenë pasnesër në seancë. Ne do të jemi këtu të përgjegjshëm për të vijuar legjislacionin e nevojshëm në kuadër të integrimit. Do kishim dëshirë të dëgjonim dhe oponencën tuaj për këto ligje, por ky është vendimi juaj politik”, iu përgjigj Klosi. U.D/Shqiptarja.com Share Ora 12:52 'Dënoni dhunën ndaj atyre që mbrojnë rendin', Çuçi debat me Mediun dhe Çelajn në komision! Dy deputetët e opozitës braktisin mbledhjen Akuzat për dhunë policore gjatë protestave dhe kërkesa për dorëheqjen e kryeministrit Edi Rama sollën debate në Komisionin për Çështjet e Brendshme. Deputeti demokrat Isuf Çelaj dhe kreu i Partisë Republikane, Fatmir Mediu, kërkuan që qeveria të japë llogari për veprimet e policisë, ndërsa kryetari socialist i komisionit, Bledar Çuçi, u kërkoi të dënojnë edhe sulmet me molotovë ndaj efektivëve.Debati nw Komisionin pwr Çwshtjet e Brendshme Isuf Çelaj, deputet i PD-së:- “Ministri i Brendshëm duhej të ishte në komision, të jepte hesap për dhunën ndaj të miturve, qytetarëve, të cilët janë sulmuar tej mase me gaz lotsjellës, deri në thyerje gjymtyrësh, goditje me plumba plastikë në pjesën e sipërme të trupit. Ju i nxorët syrin 28-vjeçarit, iu thyen këmbët atij tjetrit në rrugë. Ju, pjesa juaj (mazhoranca), nuk flisni për të. Kjo situatë ka një shkaktar, e ka sjellë qeverisja e një njeriu që e ka emrin Edi Rama. Asgjë nuk funksionon sot në shtet, zgjidh punë vetëm nëse ke telefonin e Edi Ramës, dhe po ta hapi. Nuk kam punë me pjesën e policëve të përgjegjshëm që kryejnë detyrën në rregull, por ata që janë futur në polici si pjesë e krimit të organizuar. Ne mbështesim studentët, duhet dorëheqje e Ramës, krijimi i një qeverie tranzitore, vetëshpërndarje e parlamentit. Nuk mund të rrimë sikur nuk ka ndodhur asgjë. Nuk e quaj normale që të bëni mbledhje sikur nuk ka ndodhur asgjë.”Fatmir Mediu, kryetar i Partisë Republikane:- “Kemi dallime politike me njëri-tjetrin, por jemi deputetë, dhe nuk përfaqësojmë qeverinë, por ata që na kanë zgjedhur. Duhet të kemi një qeverisje që respekton ligjin dhe qytetarët e vet. Por qeveria nuk pyet për asnjë interes qytetar. Dhuna në mënyrë sistematike, nuk është dhunë vetëm ndaj atyre që protestojnë në shesh, por karshi gjithë shoqërisë shqiptare, por edhe ndaj ne deputetëve. Qeveria duhet të japë hesap para Kuvendit të Shqipërisë. Të dalim me një qëndrim se çfarë duhet të ndodhë me vendin tonë. Zgjidhja politike që kërkojnë qytetarët, fillon me dorëheqjen e qeverisë. Dorëheqja nuk është mëkat, është përgjegjësi, reflektim në raport me situatën. Një gjyshe ka thënë, nëse karrigia do të ishte aq e mirë nuk do të vendosnim prapanicën por do të vendosnim kokën. Shqipëria ka me mijëra persona më të mirë se Edi Rama, dhe se ne.”Bledar Çuçi, deputet i PS-së dhe kryetar i komisionit: “Qëndrimet tuaja janë tërësisht politike. Unë besoj që kjo situatë ka bërë që ne të reflektojmë të gjithë për sa i takon marrëdhënies që shoqëria shqiptare duhet të ketë me institucionet që prodhon vetë. Do ishte e sinqertë nga ju thirrja për të reflektuar nëse do ta fillonit me një qëndrim që duhet ta mbajmë të gjithë bashkë, që lidhet me dhunën që është ushtruar ndaj policisë, dhunë brutale, jo thjesht ndaj individëve të veshur me uniformë, por dhunë ndaj institucioneve kushtetuese të Shqipërisë, institucioneve që garantojnë rendin publik në Shqipëri. Pastaj flasim edhe për përgjegjësitë që ka çdokush që tejkalon masën apo që shkel ligjin duke përdorur autoritetin që i ka dhënë vetë ligji. Ka një ndryshim shumë të madh midis maskave me molotovë në dorë dhe policit me uniformë. Ai, e para, ka detyrimin kushtetues të mbrojë rendin publik, autoriteti i forcës në një shtet demokratik është monopol i strukturave shtetërore. Polici me uniformë vepron në bazë të ligjit dhe detyrimeve që krijon korpusi ligjor për atë që vesh uniformën. Përgjegjësia që ai mban, personale, është subjekt i një hetimi në bazë të strukturave të ngritura me ligj. Ndërsa maskat me molotovë që nuk kanë të bëjnë as me protestat e të gjitha grupeve shoqërore që kanë dalë këtë periudhë në shesh, duhet të marrin ndëshkimin e duhur nga ligji. Pres që edhe ju të na bashkoheni me thirrjen që organet ligjzbatuese në Shqipëri të marrin masa që njerëz me maska e molotovë në dorë të mos dhunojnë dhe vandalizojnë institucionet shtetërore dhe subjektet private apo sipërmarrjen, ashtu siç e kemi parë. Ka një ndryshim me çfarë po ndodh në Shqipëri, dhe me atë që ka ndodhur këto kohë në Evropë, që është raporti i të dëmtuarve mes atyre që protestojnë me kapuça e molotovë në dorë me ata që kanë uniformën veshur. Shqipëria është i vetmi vend ku më shumë të plagosur janë njerëz me uniformë, sesa ata që kryejnë akte vandalizmi. Një reflektim do ishte mirë ta bënit dhe ju në lidhje me dhunën që është ushtruar ndaj policisë. Ku është shteti që kemi ngritur gjithë këto vite, dhe po e çojmë gradualisht Shqipërinë në BE. Protesta është e ligjshme, por dhuna e vandalizmi janë të patolerueshme. Policia ka reaguar vetëm atëherë kur është ushtruar dhunë mbi policinë. Kemi parë skena të frikshme se si digjen policët nga molotovi në mes të sheshit. Duhej të kishit thënë të paktën një fjalë solidariteti për këtë pjesë të policisë që është dhunuar sistematikisht këto ditët e fundit, dhe patjetër të reflektojmë për nxjerrjen e përgjegjësive.”Fatmir Mediu, kryetar i Partisë Republikane: “Dhuna nuk është çështje numrash, dhuna është shkelje ligji nga kushdo krah që vjen, por sidomos nga ato struktura që janë betuar mbi ligjin për të mbrojtur qytetarin, dhe jo pushtetin. Përgjegjësia është personale, dhe unë nuk dua ta fus policinë në një marrëdhënie të tillë, që e urdhërojnë për të ushtruar dhunë. Dhuna sjell vetëm dhunë, dhe unë absolutisht jam kundër dhunës. Ne duhet të merremi me shkakun dhe zgjidhjen.”Bledar Çuçi, deputet i PS-së dhe kryetar i komisionit: “Prapë nuk dëgjova një lloj solidariteti për ata policë që janë djegur me molotovë, që janë gjendur në breshëri dhune të paparë ndonjëherë, gurësh, e lloj-lloj mjetesh piroteknike. Këtu fillon sinqeriteti. Në këtë rast duhet thënë qartë, dënojmë çdo dhunë që ushtrohet ndaj çdo njeriu që ka detyrimin të mbrojë rendin kushtetues. Një deklarim i tillë do ju nderonte. Unë besoj gjithmonë te dialogu, te zgjidhjet politike në një sistem demokratik, unë besoj te zgjedhjet e lira, le të vazhdojmë të zbatojmë vullnetin e shqiptarëve, e të presim ç’do na thonë shqiptarët mbas 1 viti apo mbas 6 muajsh.”Pas shkëmbimit të këtyre deklaratave, dy deputetët e opozitës u larguan nga mbledhja. U.D/Shqiptarja.com Share Ora 12:42 '21 Janarin e bëri Edi Rama', Vokshi akuza në komision për protestat! Kërkon shpërndarjen e Kuvendit, Hasani: Është zgjedhur me votë, nëse doni, lini mandatet! (VIDEO) Protestat dhe kërkesa e opozitës për shpërndarjen e Parlamentit sollën përplasje mes deputetes demokrate Albana Vokshi dhe kryetarit socialist të Komisionit për Europën dhe Punët e Jashtme, Igli Hasani. Vokshi akuzoi mazhorancën për lidhje me krimin e organizuar, manipulim të zgjedhjeve dhe dhunë policore ndaj protestuesve, ndërsa përmendi edhe ngjarjet e 21 Janarit, për të cilat bëri përgjegjës Edi Ramën. Hasani iu përgjigj se Kuvendi është zgjedhur në mënyrë demokratike dhe se opozita është e lirë të heqë dorë nga mandatet e saj, por nuk mund të kërkojë shpërndarjen e Parlamentit."Ne si grup parlamentar i PD, opozita në parlament dhe jashtë parlamentit i mbështesim pa ekuivok dhe jemi në krah të studentëve, të nxënësve e qytetarëve që ngrihen për një Shqipëri më të mirë, për njër qeveri transparente, për një shtet ligjor ku të gjithë të jenë të barabartë para ligjit. Jo njëri të dënohet se po proteston ndërsa tjetra që ka 1.2 miliard euro, ka 300 shtëpi, ka 2 varka, të mbrohet me votat tuaja, me kartonat tuaja, të mos i hiqet imuniteti e të mos arrestohet, të jetë akoma duke vendosur ministra, drejtorë në qarqe e qeveri qendrore. Po protestohet që krimi të mos e kapë shtetin, karteli të mos emërojë ministra apo shefen e SHISH, prokurorët, gjykatësit, pra themelorët. Ndaj ccdo kërkesë e tyre duhet trajtuar me përparësi. Në ccdo fjali thoni që keni fituar 83 mandate dhe me këtë mendoni se mund ta kaloni situatën. Është koha që nëse keni pak dinjitet të distancoheni nga dhuna, nga paketat që kufizojnë liritë. Ky parlament është vullnet i bandave. Një pjesë e mirë e juaja janë përfaqësues të krimit të organizuar. Nuk përfaqësoni qytetarët por bandat kriminale, kartelet e drogës. Pra mos na e shisni më 83 mandate. Ju keni dhunuar zgjedhjet. Keni përdorur patronazhimin ndaj të gjithë në shesh thërrasin ‘poshtë patronazhistët’. I keni përndjekur qytetarët për tua marrë votat. T’i dëgjojmë ccfarë kërkojnë qytetarë: të shkrihet parlamenti dhe zgjedhje të lira e të ndershme, një qeveri tranzitore, votë të lirë, të ndershme e të barabartë. Kemi parë skena tronditëse të dhunës ndaj protestuesve. Deputetët tanë nëpër spitale kanë parë njerëz me brinjë të thyer. Asnjëri nuk distancohet nga dhuna kur keni dëgjuar drejtuesit e policisë që japin urdhëra ‘mos kurseni asnjë’. Si mund të hyjmë në BE kur drejtuesit e policisë mbrojnë karrigen e një njeriu të vetëm. Sa të rinj duhet të plagosen që të reagoni apo kërkoni viktima? 21 Janarin e bëtë ju. E bëri Edi Rama. Heshtni, dëgjoni qytetarët. Janë mbi 200 raste dhune të depozituara” tha Vokshi.“Të gjithë përfaqësuesit e popullit në këtë kuvend janë zgjedhur në mënyrë të lirë dh demokratike, ashtu si dhe ju (të PD) dhe ne të PS përfaqësojnë elektoratin tonë. Thirrjeve për shpërndarje të parlamentit ne nuk kemi pse t’i përgjigjemi. Nëse dëshironi të hiqni dorë nga mandatet, bëjeni. ” u përgjigj Igli Hasani U.D/Shqiptarja.com Share U.D/Shqiptarja.com TAG: protestat kunder qeverise komisioni per bujqesine komisioni per evropen Albana Vokshi PD igli hasani isuf celaj fatmir mediu Bledi Cuci xhelal mziu blendi klosi Sa e vlerësoni këtë artikull? ★ ★ ★ ★ ★ 0.0 / 5 (0 vlerësime) Faleminderit! LAJMET MË TË VLERËSUARA Komente Komento Sondazhi i ditës:
26 Tetor, 10:21
Ndëshkim financiar e penal dhunuesve në protesta, jeni dakord me masat? Po 76.4% Jo 20.5% Nuk e di 3.1% Vota total: 2063 Votat totale janë unike Sondazhi i ditës: 26 Tetor, 10:21 Ndëshkim financiar e penal dhunuesve në protesta, jeni dakord me masat?