Një përballje mes qeverisë dhe protestuesve ndodhi në ditën e 42 me kryefjalë koncertin e Kanye West. Këngëtarë shqiptarë u ftuan të sfidonin të ftuarin e huaj dhe të performonin pa pagesë në shenjë patriotizmi. Qytetarët me thirrjet për bojkot deklaruan se shteti ishte venë në shërbim të Kanye West, por garën e quajnë të fituar.
“Të dëgjohen thirrjet deri tek Casa Italia. Edhe autobusët kishin marrë emrin e Kenie West. Edhe autobusët që nuk vijnë asnjëherë për qytetarët.
Transporti publik që nuk është kurrë aty për qytetarët. Qeverisë tonë iu desh të paguajë 4 mln euro, po prapë se prapë, këtu te ne ka më shumë se aty”.
Protesta kombëtare e të shtunës solli në Tiranë dhe diasporën. Florian Haçkaj nga debati virtual me kryeministrin, foli në sheshin para selisë së qeverisë ku deklaroi se protesta nuk do të ndalet: “Para 10 ditësh Ky kryeministri i çnderuar, bëri një video për mua siç ka bërë për shumë të tjerë këtu, këta duan të intimidojnë qytetarët. Ne i themi se nuk kemi frikë. Organizata ku bëj pjesë Diaspora për Shqipërinë e lirë ka bërë një padi urgjente në Gjykatën Kushtetuese për 4 mln euro që ky po ia jep një privati.”.
Në shesh përmes pankartave u propozua edhe skenari i të provuarit të realizimit së një proteste në 23 korrik paradite. Marshimi të nis në mëngjes drejt parlamentit. Ndërsa marshimi ekzistues i mbrëmjes shmangu vendndodhjen e koncertit dhe ndoqi itinerarin rutinë. Top Channel