Qëndresa e nisur prej më shumë se 80 ditësh kundër kryeministrit Edi Rama dhe kabinetit të tij qeveritar ka marrë një mbështetje të gjerë jo vetëm nga qytetarët vendas, por edhe nga diaspora shqiptare nëpër botë. I ftuar në studion e News24, aktivisti i njohur i diasporës shqiptare në Itali, Gent Alimadhi, ka komentuar vazhdimësinë e këtij tubimi maratonë, duke e cilësuar atë si një kthesë kyçe për të ardhmen e vendit. Gjatë fjalës së tij, Alimadhi theksoi se kjo protestë përfaqëson një moment historik që kërkon reagim dhe ndërgjegjësim nga të gjithë shqiptarët, për të mbrojtur dinjitetin dhe trashëgiminë e kombëtares. “Ky është një moment historik dhe na jep mundësi të tregojmë se kemi respekt për historinë dhe atdheun tonë. Ky moment nuk vjen gjithmonë, sepse duhen dekada që të përsëritet historia. Duhet të mbrojmë gjakun dhe krenarinë e të parëve tanë. Këta njerëz nuk kanë atdhedashuri në genet e tyre. Ky vend zhvillohet me vetë inteligjencën dhe dashurinë e njerëzve, nuk ka nevojë të bësh keq si në këto 35 vite”, u shpreh ai.
Sipas aktivistit nga Italia, diaspora do të vijojë të jetë një zë i fuqishëm në krah të protestuesve në shesh, duke kërkuar ndryshimin e modelit qeverisës dhe vendosjen e llogariadhënies në Shqipëri. © BalkanWeb Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb