Nënkryetari i PD-së, Belind Këlliçi ka bërë një reagim në rrjetet sociale lidhur me publikimin e Progres-Raportin për Shqipërinë 2026 nga Komisioni Europian.
Këlliçi shkruan se vetëm kryeministri Edi Rama ja ka dalë që ta bëjë Shqipërinë me “Regres Raport”. Sipas tij vetëm një kryeministër i korruptuar mund ta quajë vlerësim dhe sukses raportin e Bashkimit Europian.
Reagimi i plotë: Edi Rama ia doli ta bëjë Shqipërinë me Regres Raport!
Vetëm Kryeministri më i korruptuar në Europë mund ta quajë vlerësim dhe sukses raportin e BE, kur aty ngrihet shqetësimi për mbrojtjen e Belinda Ballukut dhe aferave të saj në Kuvend duke penguar drejtësinë, kur evidentohet abuzim i lartë në tenderat qeveritare, kur theksohet refuzimi i llogaridhënies, i komisioneve hetimore që ka kërkuar Partia Demokratike dhe opozita, kur vihet në dukje cënimi i lirisë së medias, ku thuhet hapur se fondet e IPARD III sërish nuk do të vijnë, pasi autoritetet këtu nuk bindin se nuk do t'i vjedhin prapë.
Këto janë vetëm disa nga "vlerësimet" e Komisionit, për Edi Ramën e qeverisjen e tij, ku qartazi del se ai është pengesa kryesore e integrimit të vendit tonë.
Sigurisht Narkoshteti i parë në Europë, nuk mund të trajtohet ndryshe! /CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.