Baton Haxhiu, Edi Rama, ilustrim/ Po Batoni, a ka guxim t’ia thotë mikut të tij se arroganca e pushtetit po i kthehet kundër, apo do t’i sajojë një tjetër alibi? Studentët kanë mbushur rrugët, universitetet po boshatisen dhe zemërimi kundër qeverisë po përhapet në gjithë vendin. Edi Rama vazhdon të mbështetet te mandati i tij elektoral, ndërsa një pyetje mbetet për rrethin e njerëzve që prej vitesh kanë analizuar, mbrojtur dhe këshilluar politikisht kryeministrin. Çfarë i thonë sot, kur kriza ka dalë nga studiot televizive dhe ka mbërritur në rrugë?
Po Batoni çfarë thotë, o Ramë? Se Shqipëria po zien, studentët janë në rrugë, policia përplaset me protestuesit dhe qeveria po përballet me një krizë që nuk po zgjidhet me konferenca shtypi. Në këto ditë të vështira do të ishte interesante të dëgjonim edhe ndonjë këshillë nga mjeshtrit e analizave politike, që prej vitesh na shpjegojnë me aq siguri çdo lëvizje të kryeministrit.
Baton Haxhiu ka qenë një prej zërave më të afërt publikisht me Ramën, megjithëse e ka mohuar rolin e këshilltarit zyrtar. Ka analizuar strategjitë e tij, ka shpjeguar kundërshtarët dhe ka folur gjatë për mënyrën se si funksionon pushteti. Tani që studentët kërkojnë përgjigje dhe qeveria po përballet me zemërimin e tyre, çfarë analize i mbetet për t'i ofruar mikut të vjetër?
Në shtator, vetë Haxhiu paralajmëroi se pushteti dobësohet kur askush brenda tij nuk guxon t'i tregojë ku gabon. Një konstatim që sot tingëllon edhe më domethënës. Rama e dëgjoi atëherë apo ishte tepër i zënë duke dëgjuar veten?
Kryeministri vazhdon të flasë për zgjedhjet e fituara, sikur kutia e votimit të jetë përgjigjja për çdo student që proteston. Ndërkohë, sa herë kriza politike merr përmasa serioze, në qendër të debatit del përsëri Sali Berisha. Kundërshtari i vjetër është gjithmonë aty, gati për një tjetër duel televiziv, ndërsa problemet që kanë nxjerrë të rinjtë në rrugë presin ende përgjigje.
Ndoshta Batoni mund t'ia shpjegojë Ramës se një shoqëri nuk qeveriset vetëm duke fituar debatet në televizor. Se arroganca nuk zhduket duke e quajtur vendosmëri dhe se qytetarët nuk mund të trajtohen pafundësisht si spektatorë të përplasjes mes dy politikanëve.
Në fund të fundit, kjo është edhe pyetja për të gjithë rrethin politik e mediatik të kryeministrit. Kush ia thotë Ramës atë që nuk dëshiron ta dëgjojë? Kush merr guximin t'i flasë për përgjegjësinë e tij, pa ia hedhur menjëherë fajin Berishës?
Se Batonin mund ta dëgjojmë edhe nesër në ndonjë studio duke analizuar krizën me qetësinë e zakonshme. Studentët, ndërkohë, po kërkojnë përgjigje sot. /Pamfleti baton haxhiu protesta edi rama 1 Komente A Ani 15 Tetor 2026, 18:55 Baton ,dil ne proteste ,te te rrjepin koken protestuesit. A je I sigurte qe nuk do te shkosh ne Kosove!? Përgjigjjuni Lini një Përgjigje Anuloje përgjigjen Politike “Zgjidh fatin e Ramiz Alisë, jo të Çausheskut”, Berisha i jep ultimatum Ramës: Largohu! 15 Tetor 2026, 18:1018:10Politike “Shqiptarëve u ka ardhur në majë të hundës nga Rama”, Fox News: Durimi ka marrë fund 15 Tetor 2026, 18:0618:06Politike Studentët kërkojnë largimin e Ramës, media e Brukselit: Tirana përfshihet nga zjarret dhe përplasjet me policinë 15 Tetor 2026, 17:2617:26Politike Rreziku “Berisha” për protestën studentore, grupet e lidhura me të duhet të distancohen menjëherë! 15 Tetor 2026, 16:5316:53Politike “Pika e vlimit”/ Pse studentët po protestojnë kundër Edi Ramës në Shqipëri? 15 Tetor 2026, 16:5816:58Politike Berisha akuzon Ramën për provokacionin në Shkodër: Nuk na ndal dot, studentët do të fitojnë 15 Tetor 2026, 16:1216:12Politike