Një plagosje me thikë ka ndodhur mesditën e sotme në fshatin Sovjan të Maliqit. Një person është paraqitur në urgjencën e spitalit të Korçës, pasi ka marrë një plagë me thikë në pjesën e barkut.
Sipas deklarimeve paraprake të dhëna në urgjencë, i plagosuri dyshohet se është konfliktuar me një tjetër person në fshat, ndërsa shkak i përplasjes dyshohet të kenë qenë bagëtitë. I plagosuri ndodhet nën kujdesin e mjekëve dhe, sipas burimeve nga spitali, nuk paraqet rrezik për jetën.
Ndërkohë, shërbimet e Policisë janë nisur drejt vendit të ngjarjes për të zbardhur rrethanat e konfliktit, identifikuar personin tjetër të përfshirë dhe përcaktuar përgjegjësitë për plagosjen. Hetimet vijojnë për dokumentimin e plotë të ngjarjes.