Emërimi i Roberto Mancinit dhe Claudio Ranierit në krye të projektit të ri të kombëtares italiane ka shkaktuar një stuhi reagimesh në futbollin italian. Vendimi i kreut të Federatës (FIGC), Giovanni Malagò, është pritur me zemërim nga drejtuesit e klubeve të Serie A, të cilët e konsiderojnë procesin e përzgjedhjes të njëanshëm dhe të ndikuar nga marrëdhëniet personale. Sipas Corriere della Sera dhe Gazzetta, presidentët e klubeve elitare italiane kanë kritikuar ashpër mënyrën se si u mor vendimi, duke e cilësuar atë si "triumfin e frymës romane dhe të klubit ekskluziv Aniene", ku Malagò dhe Ranieri janë anëtarë prej vitesh. Madje, disa drejtues e kanë përshkruar situatën si rezultat i "miqësive të ngushta, lojërave të padelit dhe futbollit të kalçetos", duke lënë të kuptohet se lidhjet personale kanë pasur më shumë peshë sesa kriteret profesionale. LEXO edhe...Juventus/ Marrëveshja për Kolo Muanin zhbllokohet gjatë natës, akordi është një hap larg Pakënaqësia e klubeve është shtuar edhe më shumë nga fakti se ato ishin të gatshme të mbështesnin financiarisht emërimin e Antonio Contes në stolin e Italisë. Megjithatë, sipas raportimeve, ish-trajneri i Juventusit dhe Interit nuk u kontaktua asnjëherë në mënyrë serioze. Presidenti i Lega Serie A, Ezio Simonelli, sqaroi se kundërshtimi nuk lidhet me cilësitë e Roberto Mancinit, por me mënyrën se si u zhvillua procesi. Sipas tij, Malagò mori vendimin pa u konsultuar me klubet, pavarësisht mbështetjes që kishte marrë prej tyre. Pas tensioneve të forta në selinë e Ligës në Milano, palët zgjodhën të ulin tonet në publik. Në një deklaratë zyrtare, Simonelli i uroi suksese Mancinit dhe Ranierit në detyrën e re, duke theksuar se tani është momenti që futbolli italian të bashkohet. "Në emër të Ligës Serie A dhe në emrin tim personal, i uroj Roberto Mancinit dhe Claudio Ranierit punë të mbarë. Pas orësh intensive dhe jo të lehta, mbetet të mbështesim zgjedhjen e bërë nga presidenti Malagò. Është koha të shohim përpara me përgjegjësi, unitet dhe bashkëpunim për ta rikthyer futbollin italian aty ku e meriton historia e tij", deklaroi kreu i Serie A. Kujtojmë se Malagò ia besoi rolin e drejtorit teknik të Italisë një figure si Paolo Maldini me këshilltar Leonardon, por të dy u larguan pas vetëm 17 ditësh në detyrë për shkak se nuk bindën dot drejtuesit që të ulnin në stol trajnerin Andrea Pirlo, zyrtarisht për shkak se ky i fundit kishte qenë imazhi i një kompanie bastesh ruse. Megjithatë, pavarësisht toneve pajtuese në komunikatën zyrtare, prapaskenat tregojnë se raportet mes klubeve kryesore të Serie A dhe drejtuesve të sportit italian kanë hyrë në një fazë të re tensioni. S.Dh/ReportTv.al claudio ranieri Giovanni Malago Roberto Mancini Ezio Simonelli itali Italia serie a Komento Komente Sondazhi i ditës: Epoka e re e kërkesave, mendoni se reagimi i Ramës për protestat është i duhuri? Po 64.1% Jo 29.3% Nuk e di 6.7% Vota total: 8041 Sondazhi i ditës: Epoka e re e kërkesave, mendoni se reagimi i Ramës për protestat është i duhuri?
