Kreu i IDF dhe Kreu i Mossadit Sipas The Jerusalem Post, mosmarrëveshjet lidhen me kohën e ndërhyrjes, pasojat politike dhe mundësinë e ndryshimit të regjimit iranian... Mosmarrëveshjet mes shërbimit izraelit të inteligjencës, Mossad, dhe Forcave të Mbrojtjes së Izraelit (IDF) për politikën ndaj Iranit janë rikthyer, pas një periudhe gjatë viteve 2023–2025 kur të dy institucionet kishin mbajtur qëndrime kryesisht të përbashkëta.
Sipas burimeve të cituara nga The Jerusalem Post, përplasja më e fundit lidhet me nxitjen e një operacion të përbashkët ushtarak me Shtetet e Bashkuara kundër Iranit, përpara zhvillimit të zgjedhjeve izraelite.
Drejtori i Mossadit, Roman Gofman, mbështet një qasje më aktive, në përputhje me qëndrimin e kryeministrit Benjamin Netanyahu. Ndërkohë, shefi i Shtabit të Përgjithshëm të ushtrisë izraelite, gjenerallejtënant Eyal Zamir, kundërshtoi nxitjen e një operacioni në këtë periudhë.
Megjithatë, burime pranë Mossadit kanë kundërshtuar raportimet e televizionit izraelit Channel 12, sipas të cilave Gofman kishte mbështetur një operacion ushtarak në periudhën e fundit.
Sipas këtyre burimeve, debati nuk lidhet domosdoshmërisht me nisjen e menjëhershme të një sulmi, por me shqetësimin e Gofmanit se Izraeli mund të humbasë mundësinë për të ndërmarrë një ofensivë të përbashkët me SHBA-në, nëse nuk vepron përpara se kjo mundësi të mbyllet.
Nga ana tjetër, Zamir shqetësohet se një operacion ushtarak gjatë një periudhe të ndjeshme zgjedhore mund të dëmtojë legjitimitetin e ndërhyrjes dhe t'i japë Netanyahut mundësinë ta përdorë atë politikisht kundër rivalëve të tij.
Megjithatë, sipas gazetës izraelite, dallimet mes dy drejtuesve nuk janë të prera. Në rrethana të caktuara, Zamir mund të mbështesë një sulm ndaj Iranit, ndërsa Gofman mund ta kundërshtojë. Qëndrimet e tyre pasqyrojnë prirjet e përgjithshme të debatit brenda institucioneve izraelite të sigurisë.
Në qershor të vitit 2025 dhe në fillim të vitit 2026, si Mossadi ashtu edhe ushtria izraelite mbështetën ndërmarrjen e operacioneve të mëdha ushtarake kundër Iranit. Gjatë operacionit të qershorit 2025, dy institucionet patën mosmarrëveshje për drejtimin e disa aspekteve të ndërhyrjes, por përfundimisht arritën një marrëveshje.
Edhe gjatë viteve 2023–2024, Mossadi dhe IDF-ja kishin qëndrime të ngjashme, duke favorizuar shtyrjen e një sulmi të madh derisa Izraeli të përfnte përgatitjet për goditjen e një numri të gjerë objektivash iraniane.
Dallimet mes tyre filluan të shfaqeshin përsëri në lidhje me objektivat e operacionit të fillimit të vitit 2026. Drejtori i atëhershëm i Mossadit, David Barnea, mbështeste përpjekjet për ndryshimin e regjimit në Iran. Sipas raportimit, ai ishte përfshirë në hartimin e disa planeve konkrete që përfshinin grupet kurde dhe, sipas burimeve të huaja, edhe ish-presidentin iranian Mahmoud Ahmadinejad.
Ushtria izraelite, ndërkohë, i kundërshtonte këto plane ose mbante një qëndrim më të rezervuar ndaj tyre. Në përgjithësi, IDF-ja ka shprehur më shumë dyshime për mundësinë e ndryshimit të regjimit iranian brenda një periudhe afatshkurtër ose afatmesme. Mossadi, si gjatë drejtimit të Barneas ashtu edhe nën Gofmanin, ka mbajtur një qëndrim më optimist për arritjen e këtij objektivi.
Mosmarrëveshjet mes dy institucioneve kanë një histori të gjatë dhe nuk kufizohen vetëm te operacionet ushtarake të viteve të fundit. Në qershor 2022, Mossadi dhe ushtria izraelite kishin qëndrime të ndryshme lidhur me mundësinë e rikthimit në marrëveshjen bërthamore të vitit 2015 me Iranin, të njohur si Plani i Përbashkët Gjithëpërfshirës i Veprimit (JCPOA).
Në vitin 2018, Mossadi mbështeste përpjekjet për të bindur Shtetet e Bashkuara të tërhiqeshin nga marrëveshja. Ndërsa ushtria izraelite favorizonte ruajtjen e saj, të paktën deri afër vitit 2024, kur pritej të skadonin disa prej kufizimeve që marrëveshja i vendoste programit bërthamor iranian dhe që Teherani po i respektonte në atë periudhë.
Megjithatë, në vitet 2010–2012, Mossadi dhe IDF-ja kishin mbajtur një qëndrim të përbashkët kundër planeve të mundshme të kryeministrit Benjamin Netanyahu dhe ministrit të atëhershëm të Mbrojtjes, Ehud Barak, për të sulmuar objektet bërthamore iraniane.
Të dy institucionet paralajmëronin se një ndërhyrje e tillë do ta ekspozonte rajonin para kohe ndaj rreziqeve dhe destabilizimit, në një periudhë kur Irani ende nuk ishte pranë sigurimit të një arme bërthamore.
Nga ana tjetër, Netanyahu dhe Barak argumentonin se, nëse Izraeli nuk vepronte, Irani mund t'i zhvendoste pajisjet e tij bërthamore në objektin nëntokësor të Fordowit. Sipas tyre, kjo do ta bënte të pamundur një sulm izraelit pa ndihmën e Shteteve të Bashkuara, mbështetja e të cilave në atë kohë konsiderohej e pasigurt.
Rikthimi i mosmarrëveshjeve mes Mossadit dhe ushtrisë izraelite tregon se, pavarësisht qëndrimeve të përbashkëta gjatë operacioneve të mëparshme, institucionet kryesore të sigurisë në Izrael vazhdojnë të kenë vlerësime të ndryshme për kohën, objektivat dhe pasojat politike të një ndërhyrjeje të re kundër Iranit.mossad idf izraeli Lini një Përgjigje Anuloje përgjigjen Rajoni dhe Bota Mashtrim 40,7 milionë euro me mallrat nga Kina, drejtësia greke godet rrjetin e kompanive fantazmë 8 Nëntor 2026, 16:5416:54Rajoni dhe Bota Italia ngre alarmin për luftën hibride, hakerat prorusë publikojnë të dhënat private të ministrit Tajani 8 Nëntor 2026, 16:3816:38Rajoni dhe Bota Negociatat për fundin e luftës në Ukrainë, Franca konfirmon pjesëmarrjen në Abu Dhabi 8 Nëntor 2026, 15:5315:53Rajoni dhe Bota Kush po ia përgatit fundin Trumpit? Lëvizjet e fshehta që po tronditin republikanët 8 Nëntor 2026, 15:0015:00Rajoni dhe Bota Tentoi të thyente bllokadën detare ndaj Iranit, SHBA godet me raketa anijen tregtare në Gjirin e Omanit 8 Nëntor 2026, 14:3514:35Rajoni dhe Bota Netanyahu përballë një skenari të papritur, kush po i mban peng çelësat e pushtetit në Izrael? 8 Nëntor 2026, 13:5513:55Rajoni dhe Bota