Lajme Zone
Pas kufizimeve ndaj protestave, Franca u jep policëve "leje për të vrarë"; ligji shkakton përplasje politike
BotëPamfleti
Ky artikull është pjesë e një historie me 2 burime — Krahaso mbulimin →

Pas kufizimeve ndaj protestave, Franca u jep policëve "leje për të vrarë"; ligji shkakton përplasje politike

Pas kufizimeve të vendosura ndaj tubimeve dhe protestave në disa zona të Parisit, Franca ka miratuar një ligj të diskutueshëm që zgjeron mbrojtjen ligjore për policët dhe xhandarët që përdorin armë zjarri gjatë detyrës.  Senati francez miratoi të premten, më 20 nëntor, një ligj të diskutueshëm që zgjeron mbrojtjen ligjore për policët dhe xhandarët që përdorin armë zjarri gjatë ushtrimit të detyrës. Nisma, e mbështetur nga qeveria dhe e djathta ekstreme, ka nxitur reagime nga opozita dhe organizatat e të drejtave të njeriut, të cilat paralajmërojnë se ndryshimet mund të dobësojnë mekanizmat e kontrollit ndaj forcave të rendit, raporton "France 24"

Me 205 vota pro dhe 110 kundër, Senati i dha miratimin përfundimtar ligjit... Pas kufizimeve të vendosura ndaj tubimeve dhe protestave në disa zona të Parisit, Franca ka miratuar një ligj të diskutueshëm që zgjeron mbrojtjen ligjore për policët dhe xhandarët që përdorin armë zjarri gjatë detyrës. Senati francez miratoi të premten, më 20 nëntor, një ligj të diskutueshëm që zgjeron mbrojtjen ligjore për policët dhe xhandarët që përdorin armë zjarri gjatë ushtrimit të detyrës. Nisma, e mbështetur nga qeveria dhe e djathta ekstreme, ka nxitur reagime nga opozita dhe organizatat e të drejtave të njeriut, të cilat paralajmërojnë se ndryshimet mund të dobësojnë mekanizmat e kontrollit ndaj forcave të rendit, raporton "France 24"

Me 205 vota pro dhe 110 kundër, Senati i dha miratimin përfundimtar ligjit, të cilin Asambleja Kombëtare e kishte miratuar në korrik.

Në qendër të ligjit qëndron parimi i prezumimit të vetëmbrojtjes së ligjshme. Sipas tij, kur një polic ose xhandar përdor armën gjatë detyrës, ligji supozon fillimisht se ai ka vepruar brenda kufijve ligjorë, përveç rasteve kur provat dëshmojnë të kundërtën.

Ky ndryshim nuk e përjashton përgjegjësinë penale të efektivëve, por ndryshon mënyrën se si vlerësohet ligjshmëria e veprimeve të tyre. Pikërisht kjo dispozitë ka shkaktuar shqetësime se hetimi i rasteve të përdorimit të tepruar të forcës mund të bëhet më i vështirë.

Ministri i Brendshëm francez, Laurent Nuñez, e mbrojti reformën, duke argumentuar se ajo synon t'i japë fund praktikës së ndalimit automatik të policëve dhe xhandarëve pas përdorimit të armëve. Sipas tij, autoritetet duhet të shmangin vënien sistematike në dyshim të veprimeve të forcave të sigurisë gjatë përmbushjes së detyrës.

Në anën tjetër, kundërshtarët e kanë cilësuar nismën si një “leje për të vrarë”, duke argumentuar se prezumimi i ligjshmërisë mund të krijojë pengesa për hetimin e të shtënave nga policia, veçanërisht gjatë kontrolleve rrugore dhe ndërhyrjeve në demonstrata.

Lidhja Franceze e të Drejtave të Njeriut ka paralajmëruar se dispozitat e reja mund të kufizojnë mundësinë e hapjes së hetimeve në rastet kur policia përdor armë ndaj personave që nuk u binden urdhrave për ndalim ose gjatë operacioneve për kontrollin e turmave.

Miratimi i ligjit vjen në një klimë tensionesh mes autoriteteve dhe protestuesve, pas disa javësh demonstratash të udhëhequra nga studentët, gjatë të cilave janë ngritur akuza për dhunë policore.

Debati ka rikthyer gjithashtu vëmendjen te trajtimi i pabarabartë gjatë kontrolleve policore. Sipas një raporti të publikuar vitin e kaluar nga institucioni francez për mbrojtjen e të drejtave, të rinjtë që perceptohen si arabë, me ngjyrë ose me origjinë nga Afrika e Veriut kanë katër herë më shumë gjasa t'u nënshtrohen kontrolleve policore krahasuar me pjesën tjetër të popullsisë.

Pavarësisht miratimit parlamentar, zbatimi i ligjit mund të përballet me pengesa juridike. Partitë e majta kanë paralajmëruar se do t'i drejtohen Këshillit Kushtetues, duke kërkuar shqyrtimin e përputhshmërisë së dispozitave të reja me Kushtetutën.

Vendimi i këtij institucioni do të jetë përcaktues për fatin e reformës, e cila ka hapur një debat të gjerë në Francë mbi kompetencat e policisë, përdorimin e forcës dhe garancitë ligjore për mbrojtjen e qytetarëve.france ligji vrasje Lini një Përgjigje Anuloje përgjigjen Rajoni dhe Bota Nga mesazhet me nënën te dronët e CIA-s, prapaskenat e operacionit për kapjen e “El Chapo Isidro” 22 Nëntor 2026, 17:5817:58Rajoni dhe Bota Katër orë bisedime, Netanyahu dhe Eisenkot negociojnë për qeveri uniteti 22 Nëntor 2026, 17:3417:34Rajoni dhe Bota Dështon samiti i OKB-së për klimën; nafta, gazi dhe qymyri përçajnë botën 22 Nëntor 2026, 17:0417:04Rajoni dhe Bota “Miqësia” Trump-Putin trazon SHBA-në, kreu i inteligjencës amerikane: Nuk është miku ynë! 22 Nëntor 2026, 16:4616:46Rajoni dhe Bota Theresa May përplaset me laburistët për Brexit: Mos u kërkoni britanikëve të votojnë sërish! 22 Nëntor 2026, 15:3015:30Rajoni dhe Bota Jeta jashtëtokësore më pranë Tokës, shkencëtarët e NASA-s bëjnë zbulimin shokues në sistemin tonë diellor! 22 Nëntor 2026, 15:1115:11Rajoni dhe Bota