Efektivët e Komisariatit të Policisë Nr. 1 në kryeqytet kanë finalizuar operacionin e koduar “Last Gun”, duke vënë në pranga një 32-vjeçar të kapur në flagrancë me armë zjarri pa leje dhe një sasi të konsiderueshme parash. Bazuar në informacionet e siguruara në rrugë operative se një shtetas qarkullonte i armatosur, shërbimet e policisë ndaluan në rrugën “Çollakët” automjetin tip “Citroen DS3”, me të cilin udhëtonte shtetasi R. V., 32 vjeç. Gjatë kontrollit të ushtruar brenda mjetit, efektivët gjetën dhe sekuestruan në cilësinë e provës materiale një armë zjarri pistoletë së bashku me municion luftarak. Përveç armës së zjarrit, policia sekuestroi automjetin, dy aparate celularë si dhe shumën prej 15 800 eurosh. I riu u arrestua për veprën penale “Mbajtja pa leje dhe prodhimi i armëve, armëve shpërthyese dhe i municionit”, ndërsa materialet procedurale i kaluan Prokurorisë së Tiranës për veprime të mëtejshme. © BalkanWeb Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
