Edina Kurti Një leje ndërtimi nuk mund të trajtohet si një formalitet që mund të shkelet pa pasoja. Nëse është ndërtuar jashtë kushteve të lejes, kjo duhet të verifikohet dhe të ndiqet sipas ligjit, pa privilegje dhe pa standarde të dyfishta. Drejtësia nuk matet vetëm me vendimet që firmosen, por edhe me çështjet që hetohen, me provat që vlerësohen dhe me përgjegjësinë që institucionet marrin përballë shkeljeve të mundshme të ligjit.
Rasti i prokurores Edina Kurti ngre pikëpyetje që meritojnë vëmendje publike, veçanërisht kur shqyrtohen së bashku gjetjet në procesin e saj të vetingut dhe trajtimin e një dosjeje që lidhet me ndërtimet në zonën e Plazhit në Durrës.
Në janar 2023, shumica e Komisionit të Pavarur të Kualifikimit vendosi ta konfirmonte në detyrë Edina Kurtin, edhe pse dosja e saj kishte shumë probleme. Kurti e vijoi detyrën bazuar në votat e kryesueses Valbona Sanxhaktari dhe anëtarit Olsi Komici, ndërsa relatorja e çështjes, Xhensila Pine, çmoi se duhej të ishte shkarkuar për pamjaftueshmëri financiare dhe cenim të besimit të publikut me veprimet dhe mosveprimet e saj gjatë hetimit të disa çështjeve.
Pra, procesi i vetingut pati një mendim të pakicës me vlerësime serioze, por vendimi përfundimtar ishte konfirmimi në detyrë. Ky dallim duhet respektuar, ashtu siç duhet të merret seriozisht çdo shqetësim i dokumentuar për funksionimin e drejtësisë.
Një tjetër rast u raportua nga emisioni investigativ Fiks Fare në janar 2022, lidhur me çështjen e Xhaferr Kitës, i cili ishte harruar në qeli edhe pse i kishte mbaruar dënimi.
Ai ishte dënuar me 6 vite e 8 muaj burg nga Gjykata e Apelit e Milanos, Itali. Ky vendim u ekzekutua në shtetin shqiptar dhe prej vitit 2017 qytetari ndodhej në burg. Por, në 2018-ën, Gjykata Kushtetuese Italiane ia uli dënimin, nga 6 vite e 8 muaj burg në 5 vite e 3 muaj burg. Vendimi i Kushtetueses Italiane mbërriti në Shqipëri në vitin 2020, në Ministrinë e Drejtësisë dhe më pas në Prokurorinë e Përgjithshme, Prokurorinë e Kavajës dhe Burgun e Rrogozhinës. Në vitin 2020, Prokuroria e Kavajës tentoi që të “njohë” këtë vendim në gjykatë, por u rrëzua me arsyetimin se “nuk ishte bërë kërkesa në mënyrën e duhur”.
Prokurorja Kurti “harroi” të korrigjonte gabimin apo ta apelonte, pasi u transferua në Prokurorinë e Durrësit.
Ky veprim ngre pyetje mbi përgjegjësinë institucionale dhe rëndësinë e ndjekjes së rregullt të procedurave ligjore.
Por sot, në Durrës, kërkohet përgjigje edhe për një çështje tjetër konkrete.
Sipas informacioneve, në zonën e Plazhit, një shtetase me inicialet M.M. dyshohet se ka ndërtuar një kat shtesë pa leje dhe ka shkelur kushtet e lejes së ndërtimit për katet ekzistuese. Sipas burimeve, kjo çështje ndodhet në prokurori prej kohësh dhe Edina Kurti është prokurorja që e ka në trajtim, ndërsa deri tani nuk janë marrë fare masa.
Normalisht lindin pyetjet:
-A janë kryer verifikimet për lejen e ndërtimit dhe për katin shtesë të dyshuar si të paligjshëm?
-A janë administruar aktet e inspektimit dhe dokumentet teknike përkatëse?
-Çfarë veprimesh procedurale janë kryer dhe në çfarë faze ndodhet çështja?
-Nëse ka vonesa ose mosveprim, cilat janë arsyet dhe a kërkohet kontroll nga organet kompetente?
Nuk kërkohet që dikush të shpallet fajtor nga opinioni publik. Kërkohet që ligji të zbatohet, faktet të hetohen dhe institucionet të japin përgjigje.
Një leje ndërtimi nuk mund të trajtohet si një formalitet që mund të shkelet pa pasoja. Nëse është ndërtuar jashtë kushteve të lejes, kjo duhet të verifikohet dhe të ndiqet sipas ligjit, pa privilegje dhe pa standarde të dyfishta.
Po kështu, askush nuk duhet të paragjykohet pa prova. Por asnjë dosje nuk duhet të mbetet pa përgjigje kur ekzistojnë indicie konkrete që kërkojnë hetim.
Për këtë arsye, kërkohet transparencë për ecurinë e çështjes së ndërtimit në Plazh, si dhe verifikim institucional nëse veprimet procedurale janë kryer në kohë dhe në përputhje me ligjin.
Vetingu nuk duhet të jetë fundi i llogaridhënies. Konfirmimi në detyrë nuk e përjashton askënd nga përgjegjësia për veprimet e mëvonshme.
Drejtësia fitohet me punë, paanshmëri dhe rezultate të verifikueshme, jo me heshtje përballë pyetjeve të qytetarëve.
Ligji duhet të jetë i njëjtë për të gjithë. Durrësi meriton përgjigje, transparencë dhe drejtësi! /Pamfletiedina kurti ndertime a leje Lini një Përgjigje Anuloje përgjigjen Aktualitet Ramën nuk e mban vendi/ Studentët refuzojnë dialogun, kryeministri këmbëngul: Jam në dispozicion 20 Tetor 2026, 17:0917:09Aktualitet Dita e 8-të e protestave/ Të rinjtë ulen këmbëkryq para Kryeministrisë, policia shmang përballjen 20 Tetor 2026, 16:5616:56Aktualitet Policia tërhiqet brenda Kryeministrisë, protestuesit sfidojnë Ramën në ditën e tetë 20 Tetor 2026, 16:5016:50Aktualitet Lirohen të gjithë protestuesit e arrestuar, Gjykata cakton "detyrim paraqitjeje" për 12 prej tyre 20 Tetor 2026, 16:3216:32Aktualitet Nga molotovët te vallja/ Protestuesit lënë përplasjet dhe nisin kërcimin para Kryeministrisë 20 Tetor 2026, 16:2216:22Aktualitet Përplasjet gjatë protestave, reagon OSBE/ODIHR: Të gjitha palët të ruajnë qetësinë 20 Tetor 2026, 16:1616:16Aktualitet