Dy ditë pas humbjes në zgjedhjet presidenciale përballë Lulës, Flávio Bolsonaro është larguar nga Brazili dhe ka mbërritur në Miami, ku është takuar me vëllain e tij Eduardo. Sipas Corriere della Sera, kandidati i së djathtës ekstreme dyshohet se ka përshkuar në këmbë një pjesë të rrugës drejt kufirit me Argjentinën dhe ka përdorur pasaportën italiane për të shmangur kontrollet braziliane, ndërkohë që duhej t'ua dorëzonte dokumentet e udhëtimit autoriteteve... Është arratisur. Dhe sot ka mbërritur në Miami. Dy ditë pas humbjes në zgjedhjet presidenciale, me një diferencë prej vetëm katër milionë votash nga kundërshtari Lula, kandidati i së djathtës ekstreme braziliane, Flávio Bolsonaro, është larguar drejt Shteteve të Bashkuara, ashtu siç bëri i ati, Jair, pas humbjes në vitin 2022. Në SHBA jeton edhe vëllai i tij, Eduardo, i cili dyshohet se ka organizuar këtë “dezertim”. Administrata Trump deklaroi dje se e mbështet vendimin, ndërsa Departamenti i Shtetit konfirmoi se do t'i sigurojë vizën.
Avokati meksikan Simón Levy, i lidhur me lëvizjen MAGA, ka shpjeguar hollësitë e Operacionit Alba: plani i Bolsonaros, i cili mbërriti mbrëmë në Florida dhe takoi vëllain Eduardo, sipas tij, është hartuar nga sekretari amerikan i Shtetit, Marco Rubio. Levy pretendon se Flávio synon ta drejtojë opozitën ndaj Lulës nga Shtetet e Bashkuara, përmes një “strategjie presioni ekonomik”.
Ishte Michelle, bashkëshortja e tretë e Jair Bolsonaros, ajo që konfirmoi dje, rreth mesditës, se Flávio ishte larguar nga vendi. Misteri rreth zhdukjes së tij kishte zgjatur prej orësh. I “zhdukuri” nuk u përgjigjej telefonatave as të bashkëpunëtorëve më të afërt, ndërsa mediat latinoamerikane mbusheshin me informacione për arratisjen e tij jashtë vendit.
Agjencia argjentinase Infobae ishte e para që zbuloi praninë e një avioni privat të dyshimtë, “një Gulfstream me numër regjistrimi LV-JQW”, në pistën e aeroportit të Puerto Iguazú, i njohur për ujëvarat e tij, por edhe për vendndodhjen në zemër të të ashtuquajturit Kufiri i Trefishtë, pika e takimit gjeografik dhe politik mes Brazilit, Argjentinës dhe Paraguait, një zonë problematike për kontrabandën dhe trafikun e drogës. Plani i fluturimit parashikonte Miamin si destinacion dhe katër pasagjerë misteriozë, emrat e të cilëve nuk figuronin. Megjithatë, qeveria argjentinase mohoi menjëherë se Bolsonaro i riu kishte kaluar kufirin.
Vetëm 22 kilometra e ndajnë aeroportin e Puerto Iguazú nga kufiri brazilian, një distancë që Flávio, sipas deputetit mbështetës të Bolsonaros, Nikolas Ferreira, i cili i qëndroi pranë gjatë pjesës së fundit të fushatës elektorale, e kishte përshkuar në këmbë për të shmangur ndalimin. Pikërisht dje, ai duhej t'ua dorëzonte pasaportën autoriteteve, me urdhër të gjyqtarit të Gjykatës Supreme, Alexandre de Moraes, akuzuesit kryesor të babait të tij në procesin për grushtin e shtetit. Ekzistonte pikërisht frika se mund të arratisej.
Kështu, Bolsonaro shmangu pikën kufitare braziliane, duke përdorur një pasaportë italiane për të kaluar kufirin argjentinas. Të martën në mbrëmje, një autokolonë me katër automjete u nis nga rezidenca e tij në Lago Sul, Brasília, dhe arriti t'u shmangej gazetarëve duke u ndarë në mënyrë strategjike pranë urës JK. Ai kaloi kufirin me Argjentinën përmes urës ndërkombëtare Tancredo Neves, në Misiones, rreth orës 22:50, dhe u largua nga territori 40 minuta më vonë. Argjentina, pasi fillimisht e mohoi, konfirmoi se ai kishte përdorur “dokumente të vlefshme”. Në orën 23:30, familja hipi në një avion privat të kompanisë Baires Fly, të njëjtën që Milei përdori për udhëtimin e tij të parë ndërkombëtar. Destinacioni i shënuar në planin e fluturimit ishte Guayaquil, në Ekuador. Prej andej, ai vazhdoi drejt Miamit.
Flávio Bolsonaro po hetohet për korrupsion dhe pastrim parash në dy hetime të ndryshme gjyqësore dhe, në shkurt, kur t'i përfjë mandati si senator federal, do të humbasë imunitetin parlamentar. Pikërisht dje, gjyqtari i Gjykatës Supreme, Flávio Dino, njoftoi se kishte urdhëruar Policinë Federale të hapte një hetim të ri për të verifikuar ndërhyrje të dyshuara dhe financime të huaja, konkretisht nga SHBA-ja, në favor të fushatës presidenciale të Flávio Bolsonaros. Hetimi synon veçanërisht të sqarojë nëse, siç pretendon stafi i Lulës, ka pasur një marrëveshje ose një përfitim në këmbim, për t'u dhënë të tjerëve apo për të favorizuar aksesin dhe shfrytëzimin e rezervave strategjike braziliane të tokave të rralla dhe mineraleve kritike, në këmbim të mbështetjes politike dhe elektorale.
Ndalimi për t'u larguar nga vendi iu komunikua Flávio Bolsonaros vetëm shtatë minuta pas konfirmimit të humbjes në zgjedhjet e së dielës. “Do ta dorëzoj. Nuk kam ndërmend të largohem nga Brazili”, kishte premtuar Flávio të hënën, në një video të publikuar në llogaritë e tij në rrjetet sociale. Në të vërtetë, arratisja ishte planifikuar tashmë. Dhe ai avion që qëndronte në Puerto Iguazú ndoshta ishte vetëm një manovër për të shpërqendruar vëmendjen. Megjithatë, nuk është ende e qartë nëse ai kaloi vërtet nga Argjentina, e drejtuar nga “miku” Milei, apo nga Venezuela, siç pretendojnë të tjerë, e cila është kthyer në një “protektorat” të ri të Trumpit.
Pasi u informua për arratisjen, presidenti i rizgjedhur Lula akuzoi: “Një veprim i turpshëm. Familja Bolsonaro është e tillë: Brazili është atdheu i tyre i dytë, i pari janë Shtetet e Bashkuara, të cilave u lëpihen”. /Pamfletipasaporte italiane arratisje bolsonaro brazil shba Lini një Përgjigje Anuloje përgjigjen Rajoni dhe Bota “The Times”: Vuçiç kishte planifikuar një grusht shteti natën e zgjedhjeve, por u tërhoq në momentin e fundit! 28 Tetor 2026, 21:3821:38Rajoni dhe Bota Nga Moska e Kievi te Lindja e Mesme, Erdogan zhvillon bisedë telefonike me Trump 28 Tetor 2026, 21:1621:16Rajoni dhe Bota Lideri i Hezbollahut: Kushdo që të vijë në pushtet, Izraeli duhet të largohet nga tokat tona 28 Tetor 2026, 21:0821:08Rajoni dhe Bota Si ndikojnë rezultatet e zgjedhjeve në Izrael në konfliktin me Iranin? 28 Tetor 2026, 20:0320:03Rajoni dhe Bota Britania nxjerr në det 3 nga 4 nëndetëset e saj bërthamore, lëvizja e pazakontë habit edhe Marinën Mbretërore 28 Tetor 2026, 19:3119:31Rajoni dhe Bota Moska përjashton Europën nga bisedimet për Ukrainën, vendos kushte për marrëveshjen e paqes 28 Tetor 2026, 19:0819:08Rajoni dhe Bota