Erjon Vishkulli, 28-vjeçari i plagosur në sy gjatë protestës së 24 tetorit, është larguar sot nga klinika “Gemelli” në Romë, pasi kaloi me sukses ndërhyrjen kirurgjikale.
I shoqëruar nga familjarët, të afërmit dhe tifozët, i riu ka lënë ambientet e spitalit për të vijuar më tej procesin e rikuperimit.
Pas ditësh pasigurie dhe shqetësimi, ndërhyrja kirurgjikale ka sjellë një lajm shpresëdhënës për Erjonin. Mjekët kanë arritur t’i shpëtojnë syrin, ndërsa rikthimi i shikimit mbetet ende një sfidë që do të kërkojë kohë, ndjekje mjekësore dhe trajtim të mëtejshëm.
Tashmë, 28-vjeçari do të përqendrohet te rehabilitimi, me shpresën se gjendja e tij do të vijojë të përmirësohet dhe se në të ardhmen do të mund të rifitojë shikimin.