Në rreth, figura që shumë iranianë besojnë se është Mojtaba Khamenei, Udhëheqësi i ri Suprem Udhëheqësi Suprem u pa me fytyrën e mbuluar në funeralin e babait të tij Ali Khamenei. Në mauzoleumin e Imam Rezas, në Mashhad, një burrë me maskë të zezë qëndron në rreshtin e dytë, rreth një metër larg arkivolit. Ai shfaqet sërish në një tjetër imazh, ndërsa gjashtë persona mbajnë mbi supe arkivolin e ajatollahut. Iranianët e kërkojnë figurën e tij kuadër pas kuadri. "Duket si Mojtaba", shkruan dikush. "Është një tjetër i afërm", përgjigjet dikush tjetër.
Për gjashtë ditë, Irani ndjek arkivolin e Khameneit mes Teheranit, Qomit, Irakut dhe Mashhadit. Në asnjë prej këtyre etapave nuk shfaqet djali dhe pasardhësi i tij, vetëm ai burrë me maskë në disa pamje të paqarta. Shumë pak për ta identifikuar me siguri, por mjaftueshëm për të ushqyer zërat se ai është gjallë, është mirë, por nuk mund të shfaqet për arsye sigurie.
Asgjë e sigurt
Për të nuk dihet asgjë me siguri. Dihet vetëm se më 28 shkurt, gjatë sulmit që vrau Ali Khamenein dhe katër anëtarë të familjes së tij, Mojtaba u plagos. Disa e konsiderojnë të vdekur, të tjerë e imagjinojnë në një bunker në Teheran ose në një spital ushtarak, me një këmbë të dëmtuar rëndë dhe fytyrën e shpërfytyruar.
Që nga 8 marsi, dita kur u zgjodh ajatollah, ai ka folur vetëm me shkrim. Mesazhi i parë pas varrimit të të atit ishte një premtim i gjatë për hakmarrje. Ai falënderon «dhjetëra miliona» njerëzit që morën pjesë në ceremonitë mortore dhe më pas kthen faqen, e ajo faqe është e mbushur me gjak: hakmarrja për liderin e madh dhe për «martirët e këtyre luftërave të zhvilluara nga kriminelët» u takon «popujve të lirë të botës».
Detyrimi për hakmarrje
Analistët shohin në këto rreshta fytyrën e vërtetë të Mojtabës: hakmarrjen si një detyrim fetar që shtrihet në kohë. «Mendojeni si të atin, por me steroidë», e përshkroi eksperti Kasra Aarabi pas zgjedhjes së tij. Për shumëkënd ai është edhe më i ashpër se Aliu, i afërt me klerikët më ekstremistë dhe i lidhur, si në ideologji ashtu edhe në interesa, me Gardën Revolucionare.
Krahasimi me të atin është i pashmangshëm. Aliu ishte i palëkundur, por pragmatik. Mojtaba u rrit në atë hije, mes seminareve të Qomit dhe zyrave të inteligjencës, por busulla e tij duket se anon më shumë drejt krahut të ashpër, pavarësisht se negociatorët betohen se ai ka dhënë bekimin e tij për bisedimet me Uashingtonin.
Nëse mungesa e tij nga skena publike vazhdon, ajo mund të ndryshojë arkitekturën e pushtetit në Iran. Një Udhëheqës Suprem që nuk shfaqet ka më pak hapësirë për të qeverisur i vetëm dhe ata që studiojnë Iranin shohin se ekuilibri po anon gjithnjë e më shumë drejt Gardës Revolucionare./Marrë nga 'Corriere della Sera' Lini një Përgjigje Anuloje përgjigjen Rajoni dhe Bota “E kalova në mënyrë perfekte”, Trump flet pas kontrollit mjekësor dhe sulmon gazetarët 12 Korrik 2026, 08:2208:22Rajoni dhe Bota “Lista e zezë” e Iranit pas vdekjes së Khameneit/ Në shënjestër Trump, Netanyahu, Macron, Starmer, Merz dhe Meloni 11 Korrik 2026, 22:2522:25Rajoni dhe Bota Vapa ekstreme godet Francën, Kulla Eiffel dhe muzetë e Parisit kufizojnë oraret e vizitave 11 Korrik 2026, 18:5018:50Rajoni dhe Bota Lufta në Ukrainë hyn në jetën e rusëve, Putin përballet me rënien më të madhe të popullaritetit në katër vite 11 Korrik 2026, 18:0918:09Rajoni dhe Bota A mund t’i japë fund Kina luftës në Ukrainë? 11 Korrik 2026, 18:0718:07Rajoni dhe Bota Air Force One hap betejën e radhës mes Trump dhe “New York Times”, gazetarët përballë një jurie federale 11 Korrik 2026, 17:5317:53Rajoni dhe Bota