Ministri i Bujqësisë dhe Zhvillimit Rural, Andis Salla, prezantoi nismën për ngritjen e Bursës Bujqësore, një mekanizëm i ri që synon të ndryshojë mënyrën se si fermerët lidhen me tregun, duke u dhënë më shumë informacion dhe alternativa në momentin e shitjes së prodhimit. Përmes Bursës Bujqësore, blerësit me shumicë do të mund të deklarojnë produktin që kërkojnë, sasinë, cilësinë dhe çmimin që janë të gatshëm të ofrojnë. Fermerët, nga ana tjetër, do të kenë mundësi të shohin dhe krahasojnë ofertat, duke zgjedhur atë që u leverdis më shumë. LEXO edhe...Breshëri shkatërron fasulen e Devollit, dëmtohen mbi 40 hektarë! Fermerët: Pasojat janë të mëdha, s’kemi fare ndihmë nga shteti! “Kalojmë nga ‘sa është çmimi?’, te ‘kush po e blen dhe cila është oferta më e mirë?’. Çdo ditë, përmes Bursës Bujqësore, ky informacion do të jetë i aksesueshëm për fermerët, duke i lidhur ata drejtpërdrejt me kërkesën reale të tregut”, u shpreh Ministri Salla. Sipas tij, mekanizmi i ri synon të krijojë një treg më transparent, të organizuar dhe konkurrues, duke rritur njëkohësisht fuqinë negociuese të fermerëve përballë blerësve. “Ne duam që fermeri të mos jetë vetëm përballë një oferte, por të ketë mundësi të zgjedhë mes ofertave, sepse kur ka më shumë alternativa, ka më shumë mundësi për një çmim më të mirë dhe më të drejtë për punën e fermerit”, theksoi Salla. Ministri nënvizoi se Bursa Bujqësore vjen edhe si përgjigje ndaj një prej shqetësimeve më të shpeshta të ngritura nga fermerët, çmimit me të cilin shitet prodhimi i tyre. “Bursa Bujqësore është një hap i ri drejt një tregu më të fortë dhe më të drejtë për fermerin shqiptar”, përfi Ministri Salla. U.D/E.H/ReportTv.al bujqesia Bursa Bujqesore andis salla Komento Komente Sondazhi i ditës: Ngërçi për pagat e drejtësisë, kujt i jepni të drejtë? Qeverisë 77.8% Magjistratëve 16% Nuk e di 6.2% Vota total: 2588 Sondazhi i ditës: Ngërçi për pagat e drejtësisë, kujt i jepni të drejtë?
