Kylian Mbappé është rikthyer në stërvitje me pjesën tjetër të Kombëtares së Francës, duke dhënë sinjale pozitive për praninë e tij në ndeshjen për vendin e tretë të Kupës së Botës 2026 ndaj Anglisë.
Kapiteni i “Gjelave” u pa duke u stërvitur normalisht me grupin në seancën e fundit, duke lënë pas shqetësimet fizike që kishin ngritur pikëpyetje për gjendjen e tij. Rikthimi i Mbappé është një lajm i mirë për trajnerin dhe tifozët francezë, të cilët shpresojnë ta mbyllin turneun me një fitore pas eliminimit në gjysmëfinale nga Spanja.
Franca do të përballet me Anglinë në sfidën që do të vendosë vendin e tretë në Botëror, ndërsa Mbappé pritet të jetë një nga armët kryesore të ekipit. Sulmuesi synon të udhëheqë skuadrën drejt një mbylljeje pozitive të turneut, përpara se Franca të nisë përgatitjet për sfidat e ardhshme ndërkombëtare.
Prania e tij në stërvitje rrit ndjeshëm gjasat që 27-vjeçari të jetë gati për të zbritur në fushë kundër Anglisë, në një duel mes dy prej kombëtareve më të forta të futbollit evropian.