Barcelona arriti një fitore të thellë 5-0 ndaj Elche-s në "Estadio Manuel Martínez Valero", duke regjistruar suksesin e 13-të radhazi kundër këtij kundërshtari në të gjitha kompeticionet.
Sfidën e zhbllokoi Raphinha në minutën e 14-të me anë të një goditjeje nga pika e bardhë e penalltisë.
Pavarësisht përpjekjeve të vendasve për të reaguar, Karim Adeyemi dyfishoi shifrat në minutat shtesë të pjesës së parë me golin e tij të parë zyrtar me fanellën katalanase.
Në pjesën e dytë, zëvendësimet e trajnerit Hansi Flick prishën përfundimisht ekuilibrat e lojës.
Raphinha realizoi golin e tij personal të dytë pas një bashkëpunimi mes Dani Olmo-s dhe Anthony Gordon.
Vetëm katër minuta më vonë, Gordon asistoi përsëri, këtë herë për Fermín López i cili dërgoi topin në rrjetën e zbrazët.
Mesfushori spanjoll vulosi fitoren me një tjetër realizim mjaft të bukur me të majtën 12 minuta përpara fundit.
Me këtë rezultat, Elche pësoi humbjen e parë në shtëpi pas tetë ndeshjeve. Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.