Një aksident me pasojë vdekjen ka ndodhur mbrëmjen e së hënës, rreth orës 23:00, në aksin rrugor Lezhë–Milot. Sipas Policisë, një automjet i drejtuar nga Artur Prendi, 42 vjeç, ka përplasur këmbësorin Gëzim Tuci, rreth 50 vjeç, i cili ka humbur jetën si pasojë e plagëve të marra.
Pas ngjarjes, drejtuesi i automjetit është shoqëruar në Komisariatin e Policisë Lezhë, ku po kryhen veprimet procedurale. Policia bëri të ditur se ndaj tij po ndiqen procedurat e parashikuara nga ligji.
Grupi hetimor ndodhet në vendngjarje dhe po punon për dokumentimin e plotë të rrethanave të aksidentit, si dhe për përcaktimin e shkakut që çoi në këtë ngjarje tragjike.