Makina e parë tërësisht elektrike e Ferrarit ka vendosur një rekord të ri në tregun e ankandeve. Ferrari Luce i personalizuar është shitur për 40 milionë dollarë (34.5 milionë euro) në një ankand bamirësie të organizuar nga RM Sotheby’s në Shtetet e Bashkuara. LEXO edhe...Skifteri i rritur në Kanada shitet për 346 mijë dollarë në Arabinë Saudite, ja çfarë e bën atë shpendin më të kërkuar Shuma tejkaloi me diferencë të madhe parashikimin fillestar të ankandit, i cili ishte mbi 1.1 milionë dollarë (rreth 950 mijë euro). Sipas shtëpisë së ankandeve, kjo është shuma më e lartë e paguar ndonjëherë në ankand për një makinë të re. Shitja u zhvillua rreth tre muaj pasi Ferrari prezantoi Lucen, modelin e parë tërësisht elektrik të kompanisë. Makina, e cila ka një çmim fillestar prej rreth 550 mijë eurosh, u prit me reagime të forta, veçanërisht për dizajnin e saj. Në aspektin teknik, Luce është automjet me performancë të lartë. Disponon katër motorë elektrikë, nga një për secilën rrotë, me një fuqi maksimale prej 1,050 kuajfuqish. Ferrari deklaron se makina përshpejton nga 0 në 100 km/h për vetëm 2.5 sekonda, ndërsa shpejtësia maksimale arrin në 310 km/h. Rekordi i mëparshëm për çmimin më të lartë të paguar në ankand për një veturë të re mbahej nga një Ferrari Daytona SP3, i cili u shit për 26 milionë dollarë në vitin 2025. Të ardhurat e plota nga shitja e Ferrari Luce do t’i dhurohen Ferrari Foundation, e cila do t’i përdorë fondet për të mbështetur iniciativa në fushën e arsimit. P.J/ReportTv.al ferrari Ankand Komento Komente Sondazhi i ditës: Cili është shkaku i konflikteve në Shqipëri? Politika 58.3% Shoqëria 25.2% Social media 16.5% Vota total: 2184 Sondazhi i ditës: Cili është shkaku i konflikteve në Shqipëri?
