Presidenti i SHBA-së, Donald Trump, tha se lufta me Iranin do të përfjë pas zgjedhjeve të mesmandatit në nëntor, duke shtuar se çmimet e naftës nuk do të ulen deri atëherë. "Mendoj se lufta do të përfjë menjëherë pas zgjedhjeve sepse ata nuk mund të rezistojnë më", tha Trump për gazetarët ndërsa po shkonte në Teksas për konventën e parë zgjedhore të mesmandatit të partisë . LEXO edhe...'Fjalim 1 orë e 45 minuta', Trump premton 5 mijë dollarë për çdo të rritur amerikan nëse fitojnë zgjedhjet e mesmandatit në nëntor Ai argumentoi se ia vlente vuajtja ekonomike afatshkurtër për të parandaluar Teheranin të zhvillonte armë bërthamore. Ndërkohë Teherani e ka mohuar vazhdimisht se po kërkon armë bërthamore. Trump tha gjithashtu se negociata të mëtejshme me Iranin mund të ndodhin, "por nuk është diçka që po e shqyrtojmë". Sulmet në Lindjen e Mesme janë intensifikuar ditët e fundit, ndërsa objektet e naftës në të gjithë rajonin janë sulmuar, duke rritur çmimin global të karburantit dhe të çdo artikulli që kërkon transport. Çmimi i naftës arriti në 100 dollarë për fuçi të mërkurën për herë të parë që nga korriku. Në mënyrë të ngjashme, në fillim të kësaj jave çmimi i naftës amerikane arriti nivelin më të lartë historik , gjë që ka të ngjarë të shkaktojë një efekt të valëzuar në çmimet në të gjithë SHBA-në. Të mërkurën, ushtria amerikane tha se kishte sulmuar pesë anije cisternash nafte që kishin lidhje me Iranin. Teherani, në përgjigje, nisi sulme ndaj Marinës Amerikane dhe tetë anijeve cisterna nafte në Ngushticën e Hormuzit, duke shkaktuar "dëme të rënda" në anije, sipas mediave shtetërore iraniane. Një ditë më parë, Huthët e lidhur me Iranin në Jemen nisën një valë sulmesh në Arabinë Saudite, duke shkaktuar zjarre në uzinat e naftës. Xh.K/ReportTv.al donald trump lufta në Iran SHBA Komento Komente Sondazhi i ditës: Ngërçi për pagat e drejtësisë, kujt i jepni të drejtë? Qeverisë 77.9% Magjistratëve 16.1% Nuk e di 6% Vota total: 3462 Sondazhi i ditës: Ngërçi për pagat e drejtësisë, kujt i jepni të drejtë?
