Antigua dhe Barbuda triumfoi 5-0 ndaj Anguillës në CONCACAF Nations League, në një ndeshje që do të mbahet mend edhe për një episod tejet të rrallë.
Në qendër të vëmendjes ishte mesfushori i Anguillës, Aedan Scipio, i cili u fut në lojë në minutën e 68-të. 36-vjeçari, i dallueshëm për flokët e tij shumë të gjatë që i lidh rreth belit gjatë ndeshjeve, u përfshi në dy episode të pazakonta.
Vetëm katër minuta pasi zbriti në fushë, Scipio u ndal në mënyrë të çuditshme nga Keon Green, i cili e kapi nga flokët. Gjyqtari nuk e toleroi veprimin dhe e ndëshkoi lojtarin e Antiguas me karton të kuq.
Por historia nuk përfi aty. Në kohën shtesë, një tjetër futbollist i Antiguas, Knight, përdori të njëjtën mënyrë për të ndalur Scipion. Edhe ai u përjashtua direkt nga loja.
Kështu, mesfushori i Anguillës u bë protagonist i një situate të rrallë, pasi dy kundërshtarë morën karton të kuq për ndërhyrje ndaj tij.
Pavarësisht se e mbylli takimin me nëntë lojtarë, Antigua dhe Barbuda arriti një fitore të thellë 5-0.