Edi Rama në Michigan / Hapja e konsullatës në Michigan dhe aktivizimi i shqiptarëve synojnë të krijojnë një portofol votash për republikanët, të cilin Rama kërkon ta përdorë si kartë lobimi me Donald Trumpin... Vendimi për të aktivizuar diasporën shqiptare në Shtetet e Bashkuara nuk ka gjasa të jetë marrë së fundmi. Edi Rama duket se ka përgatitur prej kohësh një plan të detajuar, pjesë e të cilit është edhe hapja e konsullatës shqiptare në Michigan.
Në këtë shtet jeton një komunitet i madh shqiptarësh, shumë prej të cilëve u larguan gjatë dekadave të fundit nëpërmjet lotarisë amerikane. Synimi i qeverisë nuk duket se kufizohet te krijimi i një rrethi lobues në qendrat e politikës amerikane. Plani mund të jetë më i ndërlikuar.
Prej disa vitesh, disa shtete të brezit industrial të njohur si “Rust Belt”, veçanërisht Michigan, Wisconsin dhe Pennsylvania, janë kthyer në territore që përcaktojnë fituesin e zgjedhjeve presidenciale amerikane.
Këto shtete kanë një realitet politik të ndryshëm nga bastionet e qëndrueshme të dy partive. New York-u dhe pjesa më e madhe e verilindjes, së bashku me California-n, Oregonin dhe Washingtonin në Bregun Perëndimor, votojnë rregullisht për Partinë Demokratike.
Në këto shtete, komunitetet e emigrantëve dhe strukturat republikane ndikojnë në gara lokale ose në zona të veçanta, por rrallë e ndryshojnë rezultatin në nivel shtetëror. Shpesh gara zhvillohet ndërmjet rrymave të ndryshme të Partisë Demokratike, siç tregoi ngritja e krahut të majtë të saj në New York me Zohran Mamdanin.
Në pjesë të tjera të Amerikës së Brendshme, Partia Republikane kontrollon prej vitesh një bllok shtetesh që konsiderohen bastione të saj.
Ndryshe paraqitet situata në Michigan, Wisconsin dhe Pennsylvania, ku diferenca ndërmjet dy partive shpesh mbetet e vogël. Për këtë arsye, komunitetet e organizuara të emigrantëve marrin peshë më të madhe politike.
Këto komunitete ruajnë lidhjet mes tyre, traditat, mënyrën e jetesës dhe marrëdhëniet me vendet e origjinës. Pikërisht ky organizim i ka kthyer në objekt të fushatave dhe lobimeve politike amerikane.
Në zgjedhjet presidenciale të vitit 2024, Donald Trump rriti mbështetjen edhe mes komuniteteve arabe dhe myslimane në Michigan. Edhe shqiptarët, megjithëse përbëjnë një komunitet më të vogël, mund të marrin rëndësi kur gara vendoset me diferenca të ngushta.
Richard Grenell, një nga njerëzit e afërt të Trumpit dhe lëvizjes MAGA, u angazhua në Michigan, ku jeton një numër i konsiderueshëm shqiptarësh, si dhe në Wisconsin, ku jeton një komunitet serb i organizuar.
Trump fitoi Michiganin dhe Wisconsinin, duke marrë votat e tyre në Kolegjin Elektoral. Në këtë panoramë, shqiptarët e Michiganit po kthehen në një kartë elektorale që Edi Rama kërkon ta përdorë për të fituar ndikim pranë politikës amerikane.
Vizita e Ramës në Michigan, e përgatitur prej kohësh dhe me angazhimin e burimeve të konsiderueshme, mund të ketë pikërisht këtë qëllim.
Në prag të zgjedhjeve të mesmandatit për Kongresin, të cilat kanë rëndësi të veçantë për republikanët e Trumpit, Rama mund të tentojë të ndikojë te shqiptarët e Michiganit në favor të kandidatëve republikanë.
Nga larg, kjo mund të duket si një lëvizje donkishoteske. Angazhimi i burimeve qeveritare tregon, megjithatë, se Rama kërkon të kontrollojë një portofol sa më të madh votash të diasporës shqiptare.
Ai mund ta përdorë këtë portofol si kartë këmbimi me administratën e Donald Trumpit. Për Ramën, vazhdimi i marrëdhënies me Shtëpinë e Bardhë përbën një interes jetik. Trumpi, nga ana tjetër, e mat çdo marrëdhënie me vlerën politike që i sjell.
Sjellja e Trumpit ndaj Ramës në takimin e Ankarasë dha një sinjal të ftohtë. E përkthyer politikisht, ajo sjellje nënkuptonte një pyetje të thjeshtë: çfarë vlere sjell Rama për administratën amerikane?
Revolucioni i Flamingove e ka rënduar më tej këtë raport. Projekti i Jared Kushnerit dhe Ivanka Trumpit u vendos nën goditjen e mediave ndërkombëtare, veçanërisht të atyre amerikane, duke i krijuar kosto politike familjes Trump dhe lëvizjes MAGA.
Rama po kërkon të luajë kartat që i kanë mbetur për t’u bërë i vlefshëm. Deri tani ai ka luajtur si xhongler me të dy krahët e politikës amerikane, por kjo hapësirë po ngushtohet.
Nëse angazhimi i shqiptarëve të Michiganit nuk prodhon rezultat për republikanët, Rama rrezikon të mbetet pa kartën që kërkon t’i shesë Trumpit. Në atë rast, presidenti amerikan mund ta shohë kryeministrin e një vendi të vogël vetëm si një burim telashesh.
Rama mban gjithashtu mbi shpinë marrëdhënien e afërt me rrjetin Soros dhe deklaratat e mëparshme kundër Trumpit në CNN. Për ta kapërcyer këtë histori, atij nuk i mjafton një fotografi. Duhet t’i ofrojë Trumpit diçka konkrete.
Këtë herë, oferta duket se janë votat e shqiptarëve të Michiganit./Pamfleti loja dinake edi rama diaspora shba ramiu1 rami 1 Komente B Benito 21 Shtator 2026, 11:09 Ky mund edhe te cmendet dhe te doje te garoje ne vend te Trump.Se ky mesiguri thot qe eshte me i zoti se ai.
Por shqiptaret e Michiganit do votojne per ate qe duan pamvarsisht nga deshira e udheheqesit global Përgjigjjuni Lini një Përgjigje Anuloje përgjigjen Politike Nga korrupsioni te Zvërneci/ Eurodeputetët në Tiranë, PD hap dosjet e Ramës 21 Shtator 2026, 08:4008:40Politike Vendimi i Hagës, Rama nga SHBA ‘lan duart’ me ish krerët e UÇK-së: Shqipëria s’mund të bëjë asgjë më shumë 21 Shtator 2026, 07:5107:51Politike Tri botët paralele të përbindëshit politik të Edi Ramës 20 Shtator 2026, 14:3714:37Politike Ish krerët e UÇK u dënuan në Hagë, opozita kërkon interpelancë urgjente me Ramën 20 Shtator 2026, 14:1114:11Politike Nga Prizreni në kupolën e NATO-s/ Kush është gjenerali gjerman që merr një nga postet kyçe të Aleancës 20 Shtator 2026, 13:2313:23Politike Atentati në Sarandë, Zhupa: Vrasje në mes të qytetit, seria e ngjarjeve kriminale vijon prej korrikut 2025 20 Shtator 2026, 12:5712:57Politike