Vendi ynë do të përfshihet ditën e sotme nga masa ajrore të paqëndrueshme, duke sjellë vranësira mesatare deri të dendura dhe reshje shiu në disa zona të territorit.Lexo edhe:Horoskopi ditor për nesër, e Martë 20 Tetor 2026 Sipas parashikimit meteorologjik, reshjet me intensitet të ulët pritet të nisin në orët e mëngjesit, fillimisht përgjatë vijës bregdetare, për t’u shtrirë gradualisht edhe në pjesën tjetër të vendit. Situata paraqitet më e paqëndrueshme në veriperëndim, ku herë pas here priten reshje shiu me intensitet deri mesatar, në formën e shtrëngatave, të shoqëruara me shkarkesa elektrike. Edhe era do të jetë e pranishme, duke fryrë nga kuadrati i jugut me një shpejtësi mesatare prej 8 m/s. Përgjatë vijës bregdetare, në momente të caktuara, shpejtësia e saj mund të arrijë deri në 16 m/s. Ndërkohë, në det pritet valëzim i ulët, me forcë 2–4 ballë.
