Trajneri Rolando Maran ka përcaktuar grupin e lojtarëve për katër ndeshjet e para të Shqipërisë në edicionin e ri të UEFA Nations League. Në listë përfshihen dy debutues, ndërsa në Kombëtare rikthehen edhe disa futbollistë... Trajneri i kombëtares shqiptare Rolando Maran ka publikuar listën zyrtare me emrat e 29 futbollistëve që janë thirrur prej tij për ndeshjet e Ligës së Kombeve. Lista ka disa supriza, ndërsa janë rikthyer në kombëtare Marash Kumbulla, Rey Manaj dhe Ernest Muçi. Maran tha se është përpjekur të grumbullojë lojtarët më në formë dhe më të mirë të momentit, ndërsa theksoi se ka pasur dyshime deri në momentet e fundit. Ai tha se mund të ketë marrë lojtarë ekstra për pozicione të caktuara, por sipas teknikut kuqezi kjo ka qenë një zgjedhje e detyruar për shkak të formës së tyre. Rikthimi që bie më shumë në sy është ai i Etrit Berishës. Portieri 37-vjeçar kthehet në Kombëtare pas një mungese të gjatë, në një moment kur Thomas Strakosha nuk është në dispozicion për shkak dëmtimi. Berisha rikthehet kështu në një skuadër ku për vite me radhë ka qenë një nga portierët kryesorë.
Marani ka bërë ndryshime edhe në repartin ofensiv. Rey Manaj dhe Ernest Muçi rikthehen në listë pasi munguan në grumbullimin e mëparshëm. Dy futbollistët shtojnë alternativat për katër ndeshjet e këtij kompeticioni.
Lista sjell edhe dy emra që marrin për herë të parë një ftesë me Kombëtaren A. Mbrojtësi Samuele Sina dhe sulmuesi Sabah Kerjota, të cilët ishin përfshirë në grupin e futbollistëve të vëzhguar nga stafi teknik, do të kenë mundësinë të bashkohen për herë të parë me ekipin kombëtar.
Në krahun tjetër, mungesa kryesore është Thomas Strakosha. Jashtë listës kanë mbetur edhe Arlind Ajeti, Nedim Bajrami, Nazmi Gripshi, Jasir Asani dhe Armando Broja. Një tjetër emër që tërheq vëmendjen është Marash Kumbulla. Mbrojtësi figuron në listën zyrtare të publikuar nga FSHF-ja, pavarësisht raportimeve të mëparshme që ngrinin dyshime për praninë e tij në këtë grumbullim.
Marani ka zgjedhur kështu të ndërthurë rikthimet me dy prurje të reja. Berisha kthehet pas mungesës së gjatë, Manaj dhe Muçi marrin sërish ftesën, ndërsa Sina dhe Kerjota presin mundësinë për të debutuar me Kombëtaren A.
Shqipëria nis grumbullimin të hënën, më 21 shtator, në “Shtëpinë e Futbollit”. Kuqezinjtë luajnë më 26 shtator kundër Bjellorusisë në “Air Albania”, ndërsa më pas do të përballen me San Marinon, Finlandën dhe sërish San Marinon.
Sipas informacionit të publikuar për këto takime, biletat për dy ndeshjet në shtëpi, kundër Bjellorusisë dhe San Marinos, shiten online në ebileta.al dhe në pikën fizike pranë stadiumit “Air Albania”.
Lista e plotë e lojtarëve të grumbulluar
Portierë: Etrit Berisha, Alen Sherri, Mario Dajsinani dhe Simon Simoni.
Mbrojtës: Berat Gjimshiti, Ardian Ismajli, Marash Kumbulla, Klisman Cake, Samuele Sina, Mario Mitaj, Naser Aliji, Stavro Pilo, Elseid Hysaj dhe Ivan Balliu.
Mesfushorë: Kristjan Asllani, Ylber Ramadani, Juljan Shehu, Qazim Laçi, Luis Hasa, Adrion Pajaziti, Arbër Hoxha, Taulant Seferi, Anis Mehmeti, Ernest Muçi dhe Sabah Kerjota.
Sulmues: Rey Manaj, Mirlind Daku, Myrto Uzuni dhe Cristian Shpendi. maran kombetarja lista Lini një Përgjigje Anuloje përgjigjen Sport Shuhet Sandro Mazzola, legjenda e futbollit italian dhe ylli i Interit! 19 Shtator 2026, 08:0808:08Sport Chelsea i Xabi Alonsos nuk “ndez”, Blutë e Londrës “turpërohen” nga Brentfordi! 18 Shtator 2026, 22:5722:57Sport “Topin e Artë e meritoj unë”, Yamal “godet” Kane dhe Mbappe: Edhe po të shënosh 80 gola, nuk do të thotë se je më i miri 18 Shtator 2026, 21:2121:21Sport Xavi "hap letrat", trajneri spanjoll publikon listën e parë te Holanda; surpriza dhe yje të mëdhenj në grumbullim 18 Shtator 2026, 20:5920:59Sport Teuta me hap kampioni, Vllaznia nuk ngre kokë prej 5 javësh 18 Shtator 2026, 20:3820:38Sport Granit Xhaka nën hetim nga Prokuroria e Luzernës, ja për çfarë akuzohet mesfushori shqiptar 18 Shtator 2026, 20:1220:12Sport