SPAK kërkon konfiskimin e mbi 2 milionë eurove pasuri të babë e bir, Nikolin dhe Klevent Gjolenës dhe personave të lidhur me ta, në kuadër të hetimit për laboratorin e kokainës në Frakull të Fierit. Bëhet fjalë për 16 apartamente, dyqane dhe garazhe në Tiranë e Durrës, për të cilat, sipas prokurorisë nuk është provuar burimi i ligjshëm i të ardhurave. Në Tiranë janë identifikuar 3 apartamente dhe 2 garazhe, ndërsa në zonën e Plazhit në Durrës, 8 apartamente dhe 3 dyqane. Për blerjen e disa prej tyre janë përdorur edhe para të ardhura nga jashtë. Hetuesit kanë zbuluar pesë transferta, me vlerë rreth 450 mijë euro, në emër të familjarëve të Gjolenëve. Sipas SPAK, paratë kanë ardhur nga vende të Amerikës Qendrore dhe Karaibeve, të njohura si parajsa fiskale. LEXO EDHE:Fraksioni i dosjes ‘Veliaj’/ Ardit Gjebrea pyetet për 2 orë e gjysmë në SPAK si person në dijeni: Është sekret hetimor "Nga aktet e administruara gjatë hetimit ka rezultuar se, për financimin e disa prej pasurive objekt i kërkesës për konfiskim, janë kryer pesë transferta monetare në shuma të konsiderueshme, në vlerën prej 42.942 USD dhe 404.733 euro. Transfertat janë kryer në emër të familjarëve të personave nën hetim dhe kanë ardhur nga vende të ndryshme të Amerikës Qendrore dhe të rajonit të Karaibeve, të njohura si parajsa fiskale. Për sa parashtruam më sipër, bazuar në tërësinë e veprimeve hetimore dhe mandej në aktin e ekspertimit kontabël është konkluduar se ekzistojnë dyshime të arsyeshme të bazuara në indicie, se shtetasit Nikolin Gjolena dhe Klevent Gjolena dhe personat e lidhur me ta, nuk arritën që të vërtetojnë ligjshmërinë e të ardhurave që janë përdorur si burim për krijimin e pasurive të paluajtshme”, informon SPAK. Hetimi pasuror nisi nga dosja e 485,5 kilogramëve kokainë të trafikuara nga Kolumbia në Shqipëri, të fshehura në një ngarkesë me pleh. Droga u zbulua më 24 nëntor 2022 në banesën e ish-kryetarit të komunës Frakull, Viktor Çervanaku, e cila ishte kthyer në laborator për përpunimin e saj. Për këtë dosje, Gjykata e Posaçme dënoi në qershor të vitit 2024 dhjetë të pandehur me gjithsej 89 vite burg. Mes tyre, Nikolin Gjolena u dënua me 11 vite e 4 muaj burg, vendim që u la në fuqi edhe në Apel. Ndërsa Klevent Gjolena ishte pjesë e tre të arrestuarve në maj të këtij viti, së bashku me Aldi Zonjan dhe Musa Gjikolën. Në kërkim, u shpalën dhe dy të tjerë, Durim Keçi dhe Kevin (Arjan Margjoni). Ky i fundit u arrestua dy muaj më vonë në Spanjë. Pasuritë për të cilat kërkohet sekuestro1. Pasuri e llojit “Apartament” me sipërfaqe 75.7 m2, ndodhur në rrugën “Shinasi Dishnica” Tiranë,2. Pasuri e llojit “Apartament” me sipërfaqe 69,8 m2, me vlerë 48,860 euro, ndodhur në rrugën “Shinasi Dishnica”, Tiranë,3. Pasuri e llojit “Apartament” me sipërfaqe 68.85 m2, e ndodhur në ZK 8130, Tiranë,4. Pasuri e llojit “Garazh” me sipërfaqe 40,3 m2 ndodhur në rrugën “Shinasi Dishnica”, Tiranë.5. Pasuri e llojit “Garazh”, me sip. 40,3 m2 ndodhur në rrugën “Shinasi Dishnica”, Tiranë.6. Pasuri e lloji “Njësi tregtare” me sipërfaqe 165 m2, ndodhur në lagjen 13, Plazh, Durrës7. Pasuri e llojit “Njësi tregtare” me sipërfaqe 100 m2, ndodhur në lagjen 13, Plazh, Durrës8. Pasuria e lloji “Njësi tregtare” me sipërfaqe 60 m2, ndodhur në lagjen 13, Plazh, Durrës9. Pasuri e llojit “Apartament” me sipërfaqe 91.6 m2, ndodhur në lagjen 13, Plazh, Durrës10. Pasuri e llojit “Apartament” me sipërfaqe 88.5 m2, ndodhur në lagjen 13, Plazh, Durrës11. Pasuri e llojit “Apartament” me sipërfaqe 76.8 m2, ndodhur në lagjen 13, Plazh, Durrës12. Pasuri e llojit “Apartament” me sipërfaqe 76 m2, ndodhur në lagjen 13, Plazh, Durrës13. Pasuri e llojit “Apartament” me sipërfaqe 71.2 m2 ndodhur në lagjen 13, Plazh, Durrës14. Pasuri e llojit “Apartament” me sipërfaqe 70 m2, ndodhur në lagjen 13, Plazh, Durrës15. Pasuri e llojit “Apartament” me sipërfaqe 62 m2, ndodhur në lagjen 13, Plazh, Durrës16. Pasuri e llojit “Apartament” me sipërfaqe 60.5 m2, ndodhur në lagjen 13, Plazh, Durrës.Njoftimi i plotë i SPAK Prokuroria e Posaçme kundër Korrupsionit dhe Krimit të Organizuar ka përfunduar hetimet dhe më datë 6 nëntor 2026, i ka paraqitur Gjykatës së Posaçme të Shkallës së Parë kërkesën për gjykimin e procedimit pasuror nr. 5 të vitit 2025. Kërkesa për gjykim është paraqitur ndaj shtetasve Nikolin Gjolena dhe Klevent Gjolena, si dhe gjashtë personave të tjerë të lidhur me ta, në zbatim edhe të ligjit nr. 10192, datë 03.12.2009, “Për parandalimin dhe goditjen e krimit të organizuar, trafikimit, korrupsionit dhe krimeve të tjera nëpërmjet masave parandaluese kundër pasurisë”, i ndryshuar. Nga hetimet e kryera rezulton se Prokuroria e Posaçme ka regjistruar fillimisht procedimet penale nr.141/2022 dhe 141/1.1 të vitit 2026, në ngarkim të shtetasve Nikolin Gjolena dhe Klevent Gjolena, të dyshuar për kryerjen e veprave penale “Trafikim i lëndëve narkotike”, të kryera në formën e veçantë të bashkëpunimit, atë të grupit të strukturuar kriminal, parashikuar nga nenet 283/a dhe 28/4 të Kodit Penal; “Grup i strukturuar kriminal” parashikuar nga neni 333/a i Kodit Penal, dhe “Kryerje e veprave penale nga organizata kriminale ose grupi i strukturuar kriminal”, të parashikuar nga neni 334/1 i Kodit Penal. Këto procedime penale lidhen me sekuestrimin, më datë 24.11.2022, në fshatin Frakull e Madhe, Fier, të një sasie prej 485,5 kg lëndë narkotike të llojit kokainë, e cila ishte fshehur në një ngarkesë me pleh organik artificial të trafikuar nga Kolumbia drejt Shqipërisë. Me vendimin nr. 39, datë 26.6.2024, Gjykata e Posaçme e Shkallës së Parë ka vendosur deklarimin fajtor të shtetasit Nikolin Gjolena, për të gjitha akuzat që i atribuoheshin, duke e dënuar përfundimisht me 11 vjet e 4 muaj burgim. Ky vendim është lënë në fuqi nga Gjykata e Posaçme e Apelit me vendimin nr. 58, datë 30.12.2024. Nga hetimet e kryera, ka rezultuar se pasuritë objekt kërkese për konfiskim janë drejtpërdrejt ose tërthorazi, në zotërim të shtetasve Nikolin Gjolena dhe Klevent Gjolena, si dhe personave të lidhur me ta, sipas nenit 3, të ligjit 10192/2009. Nga hetimet e kryera ka rezultuar se në emër të shtetasve Nikolin Gjolena dhe Klevent Gjolena, familjarëve të tyre si dhe personave të lidhur me ta, janë identifikuar ndër të tjera dhe 16 pasuri të paluajtshme të llojeve “njësi”, “apartamente” dhe “garazhe” të ndodhura në Tiranë dhe Durrës, (3 apartamente, 2 garazhe në Tiranë), (3 njësi dhe 8 apartamente në Durrës). Nga aktet e administruara gjatë hetimit ka rezultuar se, për financimin e disa prej pasurive objekt i kërkesës për konfiskim, janë kryer pesë transferta monetare në shuma të konsiderueshme, në vlerën prej 42.942 USD dhe 404.733 euro. Transfertat janë kryer në emër të familjarëve të personave nën hetim dhe kanë ardhur nga vende të ndryshme të Amerikës Qendrore dhe të rajonit të Karaibeve, të njohura si parajsa fiskale. Për sa parashtruam më sipër, bazuar në tërësinë e veprimeve hetimore dhe mandej në aktin e ekspertimit kontabël është konkluduar se ekzistojnë dyshime të arsyeshme të bazuara në indicie, se shtetasit Nikolin Gjolena dhe Klevent Gjolena dhe personat e lidhur me ta, nuk arritën që të vërtetojnë ligjshmërinë e të ardhurave që janë përdorur si burim për krijimin e pasurive të paluajtshme. Vlera totale e pasurive objekt kërkese për konfiskim, sipas periudhës së nënshkrimit të kontratave shkon përafërsisht në shumën prej 1,000,000 Euro, ndërsa vlera e këtyre pasurive referuar çmimit të tregut, arrin në shumën prej mbi 2.000.000. SI.E. / A.E SI.E. Shqiptarja.com TAG: Klevent Gjolena nikolin gjolena Fier laborator kokaine ne fier spak Sa e vlerësoni këtë artikull? ★ ★ ★ ★ ★ 5.0 / 5 (1 vlerësim) Faleminderit! LAJMET MË TË VLERËSUARA Komente Komento Sondazhi i ditës:
3 Nëntor, 11:50
Cilin mbështesni në përplasjen politike që u hap? Ramën 51.8% Veliajn 20.5% Asnjërin 27.7% Vota total: 980 Votat totale janë unike Sondazhi i ditës: 3 Nëntor, 11:50 Cilin mbështesni në përplasjen politike që u hap?