Kylie Jenner ka tërhequr vëmendjen me një nga produktet e saj të preferuara për kujdesin e lëkurës. Bëhet fjalë për Celimax The Vita A Retinal Shot Tightening Booster, një produkt kundër rrudhave që kushton vetëm 17 dollarë, nga çmimi fillestar prej 24 dollarësh. Produkti me retinal synon të përmirësojë teksturën e lëkurës, të minimizojë dukjen e poreve dhe të zbusë vijat e holla dhe rrudhat. Jenner ka treguar se sapo ka nisur ta përdorë dhe se është kthyer në një nga produktet e saj të preferuara. LEXO edhe...‘Mjedis pune toksik dhe abuziv’, ish-punonjësja padit Kylie Jenner Duke qenë se lëkura e saj është e ndjeshme ndaj retinalit, ajo ka zgjedhur ta aplikojë në sasi të vogla, veçanërisht në zonat rreth syve, ku vëren shenjat e para të moshës. Sipas saj, përdorimi i produktit ka sjellë ndryshime pozitive në pamjen e lëkurës. Edhe blerësit kanë ndarë vlerësime pozitive për këtë produkt. Disa pretendojnë se kanë vënë re një lëkurë më të lëmuar, më të tendosur dhe me teksturë më uniforme pas përdorimit të rregullt. Një prej tyre e ka krahasuar efektin me Botox-in, ndërsa të tjerë thonë se kanë parë rezultate pas rreth dy javësh përdorim. Retinali është një përbërës i njohur në produktet kundër plakjes, por mund të shkaktojë skuqje ose irritim, veçanërisht te personat me lëkurë të ndjeshme. Për këtë arsye, rekomandohet të përdoret gradualisht dhe të shoqërohet me mbrojtje diellore gjatë ditës. Me çmimin e përballueshëm dhe komentet pozitive, produkti i preferuar i Kylie Jenner po tërheq interesin e atyre që kërkojnë një mënyrë për të përmirësuar rutinën e kujdesit të lëkurës pa shpenzuar shumë. A.C/ReportTv.al kylie jenner produkte Komento Komente Sondazhi i ditës: A i mbështesni protestat e dhunshme në vend? Po 18.6% Jo 78.4% Disi 3% Vota total: 12801 Sondazhi i ditës: A i mbështesni protestat e dhunshme në vend?
