Një biznes privat në Peshkopi raportohet të jetë kërcënuar sot kur pronarit i është kërkuar të paguajë 50 milionë lekë, me paralajmërimin se në të kundërt biznesi do të hidhej në erë. Sipas të dhënave paraprake, mesazhi është dërguar përmes një kutie picash. Brenda saj ndodhej një mesazh ku kërkohej shuma e parave, si edhe disa materiale që dyshohet se mund të përbënin një pajisje artizanale të ngjashme me eksploziv. Pas sinjalizimit, Policia rrethoi zonën në dalje të qytetit të Peshkopisë dhe mbajti nën kontroll perimetrin për rreth tre orë, për të garantuar sigurinë e qytetarëve. LEXO EDHE:Dibër/ Përfshihet nga flakët vend-depozitimi i mbetjeve në afërsi të aksit Bulqizë–Martanesh, tymi mbulon gjithë zonën Në vendngjarje mbërritën specialistët e çminimit dhe neutralizimit të lëndëve shpërthyese nga Tirana. Gjatë ndërhyrjes u morën masa të tjera sigurie, ndërsa u mbyllën edhe subjektet pranë zonës së karburantit. Për të shmangur rrezikun, qarkullimi i automjeteve u devijua dhe vijoi nëpërmjet unazës së Peshkopisë. Në kuadër të hetimeve, Policia ka shoqëruar disa persona dhe po punon për zbardhjen e plotë të rrethanave të ngjarjes, identifikimin e autorëve dhe verifikimin e natyrës së materialeve të gjetura. Pritet që Policia e Shtetit të dalë me një njoftim zyrtar për detaje të tjera mbi ngjarjen dhe rezultatet e verifikimeve. U.D/E.H/Shqiptarja.com TAG: peshkopi Diber Kercenim eksploziv Sa e vlerësoni këtë artikull? ★ ★ ★ ★ ★ 0.0 / 5 (0 vlerësime) Faleminderit! LAJMET MË TË VLERËSUARA Komente Komento Sondazhi i ditës:
30 Shtator, 16:02
Kufizim për arrestin në burg, a jeni dakord me ndryshimet e propozuara në Kodin e Procedurës Penale? Po 69.8% Jo 25.1% Jam i/e dyzyuar 5.1% Vota total: 3014 Votat totale janë unike Sondazhi i ditës: 30 Shtator, 16:02 Kufizim për arrestin në burg, a jeni dakord me ndryshimet e propozuara në Kodin e Procedurës Penale?