E ardhmja e trajnerit Michael Carrick në stolin e Manchester United duket se ka marrë fund pas një tjetër rezultati zhgënjyes në kampionat.
"Djajtë e Kuq" pësuan një humbje të rëndë 0-3 në shtëpi përballë Bournemouth pasditen e së dielës. Kjo ishte disfata e tretë për skuadrën në këtë sezon të Premier League, duke rënduar ndjeshëm pozitat e teknikut 45-vjeçar.
Pas këtij rezultati, Manchester United ka grumbulluar vetëm 7 pikë dhe ndodhet vetëm një pikë larg zonës së rrezikut për rënie nga kategoria. Kritikat ndaj ish-mesfushorit të skuadrës kanë qenë jashtëzakonisht të ashpra, pavarësisht mbështetjes që u duk se mori nga tifozët në "Old Trafford".
Mediat britanike raportojnë se shkarkimi i tij është thjesht çështje kohe. Drejtuesit e klubit anglez tashmë kanë filluar punën për të gjetur zëvendësuesin e duhur për të udhëhequr ekipin nga kjo krizë.
Në listën e dëshirave të drejtuesve për postin e trajnerit gjenden emra të njohur si Eddie Howe, Julian Nagelsmann, Unai Emery dhe Antonio Conte. Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.