Juventusi përballet me një situatë të vështirë me dëmtimet, ndërsa Manuel Locatelli i është shtuar listës së mungesave.
Kapiteni bardhezi pësoi një dëmtim në gjurin e djathtë në ndeshjen ndaj Milanit dhe ekzaminimet zbuluan një dëmtim të meniskut. Locatelli do t’i nënshtrohet ndërhyrjes kirurgjikale në Lion dhe pritet të mungojë të paktën 3 muaj, me rikthimin që mund të vijë vetëm në fillim të vitit 2027.
Khephren Thuram është operuar në gju dhe pritet të rikthehet në janar 2027, ndërsa për shkak të mungesës është hequr përkohësisht nga listat e UEFA-s dhe Serie A.
Kenan Yildiz, i operuar në këmbën e majtë, pritet të mungojë rreth 14 ndeshje dhe të rikthehet në fund të nëntorit. Jeremie Boga po monitorohet për një dëmtim të mundshëm në pjesën e pasme të kofshës, ndërsa Jeff Ekhator pritet të qëndrojë jashtë për 40 deri në 50 ditë dhe Juan Cabal synon rikthimin gradual në pjesën e dytë të tetorit.
Për ndeshjen ndaj Sassuolos më 13 shtator, Juventusi shpreson të rikuperojë Andrea Cambiaso, Weston McKennie dhe Pape Matar Sarr. Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.