Emri i Denis Brajoviçit shfaqet gjithashtu në komunikimet e aplikacionit të koduar SKY ECC, të administruara në dosjen “Metamorfoza”. Në materialet e publikuara nga kjo dosje përmenden edhe komunikime të tij me Ervis Martinajn. Denis Bajri dhe Ibrahim Lici Denis Bajri alias Brajovic i dosjes "Metamorfoza" akuzon kundërshtarin e tij të përbetuar të shumëkërkuarin Ibrahim Lici, se urdhëroi sulmin ndaj tij brenda qelisë së burgut të Fierit. Gjatë dëshmisë së dhënë para hetuesve Bajri, të cilin tentuan ta vrisnin me thikë artizanale brenda burgut, ka pretenduar se Jurgen Zotaj e sulmoi me porosi të Licit.
“Aldo Gjini kërkoi të më takonte. Ai erdhi ne qelinë time bashkë me Jurgen Zoton. Ky i fundit më dha një telefon. Në linjë ishte Ibrahim Lici. Ai më tha jeta jote kaq e pat!. Në atë moment Zoto tentoi të më sulmonte me thikë”, deklaroi ndër të tjera Denis Bajri.
Gjatë përleshjes, Bajri dhe Zoto mbetën të plagosur dhe u trasportuan për ndihmë mjekësore. Pas ngjarjes, Komisioni i Disiplinës në Drejtorinë e Përgjithshme të Burgjeve vendosi të përjashtojë 8 efektive të policisë dhe t’i referojë në prokurori për shpërdorim detyre.
Shërbimi për çështjet e Brendshme dhe Ankesat në Burgje është duke hetuar për të nxjerrë përgjegjësinë e punonjësve të policisë, të cilët kanë lejuar lëvizjet e të dënuarve dhe të paraburgosurve nga njëra godinë në tjetrën, si dhe faktin se ata kishin telefon, send rreptësishtë i ndaluar në qeli.
Komisioni i disiplinës urdhëroi masën e izolimit për 3 muaj për Gjinin e Zotaj. Aldo Gjini u transferua në Drenovë, ndërsa Zoto në burgun e Burrelit.
Denis Bajri, i njohur edhe si Denis Brajoviç, u ekstradua nga Dubai drejt Shqipërisë më 23 korrik 2025, pasi ishte arrestuar në Emiratet e Bashkuara Arabe në shkurt të vitit 2024. Ai ishte shpallur në kërkim në kuadër të operacionit “Metamorfoza” dhe ndaj tij ishte caktuar masa e sigurisë “arrest me burg”.
Sipas Policisë së Shtetit, SPAK e akuzon Brajoviçin në lidhje me vrasjen e Gjon Ndojt, i njohur edhe si Gjin Boriçi, ngjarje e ndodhur më 9 gusht 2020 në Shkodër.
“Ky shtetas është i akuzuar nga SPAK, në kuadër të operacionit policor të koduar ‘Metamorfoza’, pasi dyshohet si autor i vrasjes së shtetasit Gj. B. (N.), kryer më datë 09.08.2020, në Shkodër”, njoftonte Policia.
Emri i Denis Brajoviçit shfaqet gjithashtu në komunikimet e aplikacionit të koduar SKY ECC, të administruara në dosjen “Metamorfoza”. Në materialet e publikuara nga kjo dosje përmenden edhe komunikime të tij me Ervis Martinajn.
Në përgjimet e publikuara në media përmendet gjithashtu një mesazh që Brajoviç dyshohet se i ka dërguar Behar Bajrit pas vrasjes së Gjin Boriçit: “…Gjoks e kry, kapedan. Mu blloku, se dosha me ja gri kryt, se më tha diçka…”.
Brajoviç kishte pasur edhe më herët përballje me drejtësinë. Ai ishte arrestuar si pjesë e grupit “Bajri” në Shkodër, ndërsa rreth vitit 2019 Gjykata e Shkallës së Parë në Tiranë ndryshoi masën e sigurisë ndaj tij, duke e lënë në “arrest shtëpie”.
Ai ka qenë gjithashtu subjekt i Operacionit Forca e Ligjit (OFL). Sipas Policisë së Shtetit, Brajoviç ishte hetuar për veprat penale “Shtrëngim me anë të kanosjes për dhënien e pasurisë, e kryer në bashkëpunim, në kuadër të grupit të strukturuar kriminal” dhe “Kryerja e veprave penale nga organizata kriminale apo grupi i strukturuar kriminal”.
Ndërkoh Ibrahim Lici akuzohet për vrasjen e Endri Mustafës në maj të vitit 2021.
Në 13 shkurt të këtij viti, ai u arrestua në Turqi, por disa javë më vonë ai u la i lirë nga autoritetet turke si pasojë e mungesës së marrëveshjes së ekstradimit drejt vendit tonë.
Hamzai, viktima e atenteti të tetorit 2024, foli nga Turqia, duke thënë se i vëllai ishte i pafajshëm. Por konfliktet mes grupeve vijuan.
Akuzat ndaj Ibrahim Licit u ngritën pas dëshmisë së 15 vjeçarit, Ergys Malja. Fillimisht Malja, ka treguar se ishte ai që kishte nxjerrë nga shtëpia Endri Mustafën dhe së bashku ishin drejtuar në zonën e quajtur “Gropat e Eskavatorit”. Sipas 15-vjeçarit, papritur i ka dalë në rrugë, Ibrahim Lici me një motor, i cili e ka qëlluar me pistoletë, Endri Mustafën, duke e lënë të vdekur në vend. Ndërsa vetë i mituri Ergys Malja, ka treguar se është larguar me vrap duke mundur të shpëtojë, shkruan Vizionplus.tv.
Vetëm një javë pas krimit të rëndë, policia arrestoi Ergys Maljan si bashkëpunëtor në këtë vrasje. Fillimisht Malja, u dënua me 24 vite burgim nga gjykata e Shkodrës, por për shkak të moshës, dënimi i tij u reduktuar, duke u dënuar përfundimisht me 12 vjet heqje lirie.
Lici nga arratia ka mohuar të gjitha akuzat, madje ai ka pretenduar se ditën e ngjarjes ka qenë në Tiranë në shoqërinë e shokëve dhe një vajze.
Ibrahim Lici është dhe i dyshuari kryesor i vrasjes së dy vëllezërve Bilali në Shkodër. Astrit dhe Brahim Bilali, më 30 mars 2019, u ekzekutuan me breshëri kallashnikovi në portën e shtëpisë. Ngjarja u hetua si përplasje mes bandave rivale në Shkodër.
Astrit Bilali, i cili mbetur i vdekur së bashku me të vëllanë e tij, është babai i Astmer Bilalit, ish kampionit të boksit i arrestuar si pjesë e grupit “Bajri” në Shkodër.sulmi brenda burgut të fierit ibrahim lici dha urdhër të më vrisnin Lini një Përgjigje Anuloje përgjigjen Kronike Aksident i rëndë në Krujë, plagosen tre persona; një grua niset drejt Traumës 9 Gusht 2026, 22:3522:35Kronike Vijon beteja me flakët në Mallakastër, nis operacioni nga ajri 9 Gusht 2026, 15:4215:42Kronike Misteri i 700 mijë eurove në det, hetuesit ‘fusin në skaner’ grupet shqiptare të trafikut të kokainës! 9 Gusht 2026, 15:2015:20Kronike Aksident i rëndë në Maqedoninë e Veriut, plagoset 29-vjeçari shqiptar 9 Gusht 2026, 15:0215:02Kronike Sherri në burgun e Fierit/ Transferohen Jurgen Zotaj dhe Aldo Gjini; kamerat e sigurisë zbulojnë si nisi përplasja 9 Gusht 2026, 13:4813:48Kronike E rëndë në Ksamil, babai godet aksidentalisht me makinë vajzën 4-vjeçare; e mitura ndërron jetë 9 Gusht 2026, 12:1112:11Kronike