Gjergj Luca, jeniçeri i Edi Ramës / Blendi Gonxhja miratoi raportin arkeologjik që i hap rrugë projektit “Rozafa Agroturizëm” të Gjergj Lucës. Qeveria duhet të bëjë publike lejen e zhvillimit, sipërfaqen e projektit dhe statusin juridik të tokës pranë parkut arkeologjik... Shkatërrimin dhe betonizimin e zonave të mbrojtura natyrore, monumenteve të kulturës dhe territoreve arkeologjike, Edi Rama e nisi me ministrat Blendi Klosi e Mirela Kumbaro dhe po e vazhdon me Blendi Gonxhen. Ndryshojnë ministrat, ndërsa përfituesit mbeten pjesë e të njëjtit rreth biznesmenësh të privilegjuar.
Kryeministri hungarez Péter Magyar i quajti “oligarkë dhe jeniçerë të NER-it” biznesmenët që u pasuruan dhe morën nën kontroll sektorë strategjikë gjatë qeverisjes së Viktor Orbánit. Ai i paralajmëroi se do t’u duhet të kthejnë paratë publike që kanë marrë përmes kontratave selektive shtetërore, ndërsa qeveria e tij ka nisur verifikimin e marrëveshjeve të lidhura gjatë regjimit të mëparshëm. Edhe Edi Rama i ka jeniçerët e tij. Gjergj Luca është njëri prej tyre, një biznesmen që ka zgjeruar aktivitetin nën mbështetjen e vazhdueshme të qeverisë dhe që tani po hyn me projektin “Rozafa Agroturizëm” në rrethinat e Parkut Arkeologjik të Apolonisë.
“Pamfleti” po publikon Vendimin nr. 35, datë 17 janar 2025, të Këshillit Kombëtar të Trashëgimisë Kulturore Materiale, të firmosur nga Blendi Gonxhja në cilësinë e ministrit të Ekonomisë, Kulturës dhe Inovacionit. Vendimi miraton raportin e vëzhgimit intensiv arkeologjik për projektin “Rozafa Agroturizëm”, në rrethinat perëndimore të Apolonisë, me zhvillues shoqërinë “Rozafa” sh.p.k. Pas kësaj kompanie qëndron Gjergj Luca, biznesmeni i afërt me kryeministrin Edi Rama dhe një prej përfituesve të vazhdueshëm të mbështetjes shtetërore. Projekti parashikon zhvillimin e një kompleksi agroturistik pranë një prej territoreve arkeologjike më të rëndësishme të Shqipërisë.
Dokumenti nuk përbën vetë leje ndërtimi, por krijon hallkën institucionale që e çon projektin drejt procedurave të zhvillimit të territorit. Pikërisht për këtë arsye, ai merr rëndësi si provë dokumentare e rrugës administrative që institucionet kanë hapur për investimin e Gjergj Lucës në rrethinat e Apolonisë.
Në vendim, Gonxhja kërkon që investitori të lidhë një marrëveshje tripalëshe me një subjekt të licencuar në arkeologji. Tre arkeologë duhet të ndjekin çdo ditë punimet, ndërsa Instituti Kombëtar i Trashëgimisë Kulturore duhet të ushtrojë mbikëqyrjen. Pas kësaj faze, “Rozafa” mund të vijojë procedurën për miratimin e projektit sipas legjislacionit të planifikimit dhe zhvillimit të territorit.
Ky formulim ngre pyetjen themelore: përse shteti lejon nisjen e një projekti privat me ndërtime në një territor me ndjeshmëri arkeologjike dhe më pas përpiqet ta mbrojë zonën duke vendosur arkeologë pranë fadromave?
Nëse territori përmban pasuri arkeologjike, institucionet duhet ta ruajnë. Nëse parcela ndodhet jashtë kufijve ku ligji ndalon ndërtimin, qeveria duhet të publikojë hartën, koordinatat, kategorinë e mbrojtjes dhe çdo akt që e provon këtë. Mbikëqyrja arkeologjike nuk mund të shërbejë si alibi për betonizimin.
Këshilli Kombëtar i Territorit dhe Ujit duhet të bëjë publike çdo leje zhvillimi ose ndërtimi që lidhet me “Rozafa Agroturizëm”. Publiku duhet të mësojë sipërfaqen e projektit, pronësinë e tokës, mënyrën e sigurimit të saj, objektet e parashikuara dhe distancën e tyre nga kufijtë e Parkut Arkeologjik të Apolonisë. Institucionet duhet të tregojnë gjithashtu nëse projekti përfshin tokë shtetërore dhe me çfarë procedure investitori e ka marrë atë në përdorim.
Gjergj Luca po e promovon projektin si një investim agroturistik. Emërtimi nuk e ndryshon natyrën e ndërtimeve dhe nuk e heq detyrimin për të mbrojtur trashëgiminë kulturore. Një restorant, një fabrikë, një magazinë apo një resort mbetet objekt betoni edhe kur investitori e etiketon “agroturizëm”.
Prej javësh, qytetarët protestojnë kundër ndërhyrjeve në zonën e mbrojtur të Zvërnecit. Në të njëjtën kohë, administrata e Edi Ramës i hap rrugë një projekti të Gjergj Lucës pranë Parkut Arkeologjik të Apolonisë. Në të dyja rastet del e njëjta skemë: qeveria e trajton pasurinë publike si territor në dispozicion të klientëve të saj.
SPAK duhet të verifikojë të gjithë zinxhirin e vendimmarrjes, nga statusi dhe pronësia e tokës deri te raporti arkeologjik, miratimet institucionale dhe lejet e zhvillimit. Prokurorët duhet të përcaktojnë nëse zyrtarët zbatuan ligjin apo e përshtatën atë për projektin e një biznesmeni të afërt me kryeministrin.
Edi Rama i ka jeniçerët e tij. Gjergj Luca është njëri prej tyre. Në Apoloni, shteti duhet të tregojë nëse po mbron historinë apo po i hap rrugën betonit të radhës./Pamfleti
© Copyright Pamfleti
Ky artikull është material ekskluziv i Pamfleti dhe mbrohet nga e drejta e autorit, në përputhje me Ligjin Nr. 35/2016, “Për të drejtat e autorit dhe të drejtat e lidhura me to”.
Ripublikimi i plotë ose i pjesshëm i këtij shkrimi nga media të tjera lejohet vetëm duke cituar qartësisht Pamfleti si burim dhe duke vendosur në fund të materialit linkun e artikullit origjinal.
Çdo përdorim, kopjim apo ripublikim pa respektuar këto kushte përbën shkelje të së drejtës së autorit dhe mund të sjellë përgjegjësi ligjore sipas legjislacionit në fuqi.jeniçeri i edi ramës gjergj luca rozafa agroturizëm blendi gonxhe apolonia Lini një Përgjigje Anuloje përgjigjen Anti-Mafia Rrjeti i pastrimit të parave të Neim Fejzullës: si "Doris FLOWERS", Primo Hotel dhe ''La Fortezza" legalizojnë miliona euro nga droga dhe cell-center-at 25 Gusht 2026, 14:0014:00Anti-Mafia Delina blen 3 makina luksoze: një për vete, dy për vartëset, nga kompania e familjes së kryebashkiakes së Durrësit 25 Gusht 2026, 10:4810:48Anti-Mafia Andis Salla, peshku i radhës i Gjergj Lucës: si ministri i Bujqësisë po ia dorëzon edhe Fierzën trafikantëve 24 Gusht 2026, 13:2613:26Anti-Mafia Shteti në gjunjë para Bekim Bulicës, kapobanda i ‘Principotes’ gjithmonë një hap para prangave 24 Gusht 2026, 10:2710:27Anti-Mafia Bes-forti i Edit Ramës i jep 9.6 milionë Euro paradhënie izraelitit Ron Yeffet, për makinat e IKMT-së 23 Gusht 2026, 15:0315:03Anti-Mafia Dokumenti/ Udhëzimi i Blendi Gonxhes, skema e re e Edi Ramës për grabitjen e pasurive publike 22 Gusht 2026, 14:1314:13Anti-Mafia